03.07.2026 | 14:52
«Կիբեռմարտահրավեր»․ կեղծ զանգեր՝ իրավապահ մարմինների անունից
Գիտելիքները չգիտեմ, բայց բարեկրթության պակաս հաստատ ունեք․ ԿԳՄՍ նախարարը՝ Արթուր Խաչատրյանին․ ՏԵՍԱՆՅՈՒԹ
Քաղաքականություն
03.07.2026 | 12:41
«Դուք, որպես մշակույթի նախարար, ի՞նչ եք անում Արցախում գտնվող հայկական մշակութային ժառանգության կոթողները պահպանելու ուղղությամբ. չկարողացա՞ք, թե՞ վախեցաք»,- ԱԺ նիստի ժամանակ հայտարարեց «Հայաստան» խմբակցության պատգամավոր Արթուր Խաչատրյանը:
«Որ ասում եք՝ ինձնից լավ գիտեք, կարծեմ ընդունում եք, որ Դուք այս պաշտոնի համար պիտանի չեք, որովհետև այս բնագավառում՝ հուշարձանների պահպանության, իմ գիտելիքները միջին վիճակագրականի մակարդակի են. հիմա ի՞նչ, ընդունում եք, որ Ձերն ավելի ցա՞ծր է»,- ասաց պատգամավորը։
Նրանից հետո ամբիոնին մոտեցավ ԿԳՄՍ նախարար Ժաննա Անդրեասյանը ու նշեց․ «Պարո՛ն Խաչատրյան, գիտելիքները չգիտեմ, բայց բարեկրթության պակաս հաստատ ունեք, և խորհուրդ եմ տալիս հիշել, որ Դուք պատգամավոր եք և խոսում եք Ազգային ժողովի ամբիոնից:
Խնդրում եմ նաև հիշե՛ք, որ Դուք Հայաստանի Հանրապետության պատգամավոր եք, և Հայաստանի Հանրապետությունն ունի միջազգայնորեն ճանաչված սահմաններ, և Հայաստանի Հանրապետության լիազոր պետական մարմինները պետք է անեն ամեն ինչ իրենց տիրույթում գտնվող՝ Հայաստանի Հանրապետության նշված ոլորտի հարցերը լուծելու համար: Այս պարզ ճշմարտությունը հասկանալը, կարծում եմ, բարդ չէ: Ու եթե Ձեր գիտելիքն ու կրթությունը չեն հերիքել, որ Դուք դա հասկանաք, հրավիրում եմ ոչ ֆորմալ կրթական դասընթացների՝ դա Ձեզ բացատրելու»,- ասաց նա:
Մանրամասները՝ տեսանյութում։
