02.07.2026 | 19:52
Ադրբեջանը պետք է ազատ արձակի առնվազն մի քանի հայտնի քաղբանտարկյալների․ ԵԽԽՎ նախագահ
ՀՀ-ն կդառնա ԵՄ անդամության կարգավիճակ չունեցող առաջին երկիրը, որի նկատմամբ ԵՄ-ն կկիրառի այս գործիքը․ Փաշինյան․ ՏԵՍԱՆՅՈՒԹ
Քաղաքականություն
02.07.2026 | 12:16
«Այսօրվա մեր հանդիպումը վերահաստատեց, որ ԵՄ-ն ՀՀ ամենավստահելի գործընկերներից է․ ՀՀ-ն ու ԵՄ-ն մոտ են իրար առավել քան երբևէ։ Այս արտահայտությունը օրեցօր ավելի է նյութականանանում՝ ստանալով ոչ միայն քաղաքական, այլև գործնական, տնտեսական կիրառում»,- այս մասին Եվրոպական հանձնաժողովի նախագահ Ուրսուլա ֆոն դեր Լայենի հետ համատեղ ասուլիսի ժամանակ ասաց ՀՀ վարչապետ Նիկոլ Փաշինյանը։
Վարչապետը կարևորեց Եվրամիության կողմից ձեռնարկվող նոր տնտեսական քայլերը, որոնք ուղղված են հայկական ապրանքների արտահանման խթանմանը: Մասնավորապես, Եվրոպական հանձնաժողովը նախագիծ է ներկայացրել ԵՄ անդամ երկրներին՝ հայկական ապրանքների նկատմամբ ինքնավար առևտրային միջոցներ կիրառելու վերաբերյալ:
«Այս որոշման առանձնահատկությունն այն է, որ դրա ուժի մեջ մտնելուց հետո Հայաստանը կդառնա առաջին երկիրը, որը չունենալով ԵՄ անդամության թեկնածուի կարգավիճակ կամ ազատ առևտրի համաձայնագիր, կօգտվի այս հատուկ գործիքից»,- ասաց Նիկոլ Փաշինյանը։
Բացի այդ, Փաշինյանը հիշեցրեց, որ ԵՄ-ն արդեն իսկ տրամադրել է 52 միլիոն եվրոյի չափով բյուջետային աջակցություն ՀՀ-ին։
Մանրամասները՝ տեսանյութում։
