22.10.2026 | 23:31
Ուսանողական վիզայի պայմանների խախտումը կարող է զրկել ապագայում ԱՄՆ վիզա ստանալու իրավունքից
Ինձ վիրավորողների շահերն եմ պաշտպանում. Վահագն Հովակիմյան․ ՏԵՍԱՆՅՈՒԹ
Քաղաքականություն
29.06.2026 | 12:25
Կենտրոնական ընտրական հանձնաժողովի նախագահ Վահագն Հովակիմյանը, պատասխանելով լրագրողների հարցին, թե ինչ թերություններ են արձանագրվել ընտրությունների ընթացքում, նշեց, որ դրանց զգալի մասը հենց լրատվամիջոցներն են լուսաբանել։
Հարցին, թե արդյոք այդ թերություններն ազդել են ընտրությունների արդյունքների վրա, Հովակիմյանը պատասխանեց. «Իհարկե չեն ազդել»։
Անդրադառնալով Սահմանադրական դատարանում իր և «Ուժեղ Հայաատանի» ներկայացուցիչ Արամ Վարդևանյանի միջև տեղի ունեցած փոխադարձ կոշտ արտահայտություններին՝ Հովակիմյանն ասաց, որ վիրավորելու նպատակ չի ունեցել։
«Ես պարոն Վարդևանյանին ասել եմ, որ վիրավորելու միտում չունեմ, պարոն Վարդևանյանն էլ իր ասածը հետ վերցրեց»,- նշեց նա։
Հարցին, թե արդյոք իր հասցեին հնչող վիրավորանքներն ու մեղադրանքները, ինչպես նաև հանրային ճնշումը, որևէ ազդեցություն ունեն իր վրա, Հովակիմյանը պատասխանեց, որ չեն ազդում։
«Ես նաև այն քաղաքացիների շահերն եմ պաշտպանում, ովքեր ինձ վիրավորում և սպառնում են»,- ասաց նա։
Մանրամասները` տեսանյութում:
