16.08.2026 | 18:49
Հունգարիայում լեհական ավտոբուսի վթարի հետևանքով 12 զբոսաշրջիկ է զոհվել
ԹԵԺ ԲԱՆԱՎԵՃ․ Հետընտրական Հայաստան․ ընդդիմությունը պե՞տք է վերցնի մանդատները, թե՝ ոչ․ ՏԵՍԱՆՅՈՒԹ
Քաղաքականություն
12.06.2026 | 20:00
Մինչ վարչապետ Փաշինյանը շնորհավորանքներ է ստանում ԱԺ ընտրություններում հաղթանակի կապակցությամբ, ընդդիմադիր ուժերը բողոքարկում են արդյունքները։ «Ուժեղ Հայաստան»-ը դիմել է ԿԸՀ՝ պահանջելով չեղարկել ընտրությունների արդյունքները, իսկ մերժման դեպքում պատրաստվում է դիմել Սահմանադրական դատարան։ Կուսակցությունը պնդում է, թե իշխանությունն օգտագործել է վարչական ռեսուրս, և ՔՊ-ի առնվազն 100 հազար ձայն կասկածելի է։ «Հայաստան» դաշինքը ևս հայտարարել է, որ վիճարկելու է արդյունքները ՍԴ-ում։
Նախնական արդյունքներով շեմը չհաղթահարած ԲՀԿ-ն ևս բողոքում է՝ պահանջելով վերաքվեարկություն այն բանից հետո, երբ ԿԸՀ-ն անվավեր ճանաչեց երեք տեղամասերի արդյունքները, ինչի հետևանքով զրոյացվեցին նաև ԲՀԿ-ի ստացած ձայները։ Կուսակցությունը պնդում է, որ դա արվել է իրեն խորհրդարան մտնելու հնարավորությունից զրկելու համար։
Արդյոք ԱԺ ընտրությունների արդյունքները լեգիտիմ են, և ինչի մասին են վկայում ընդդիմության բողոքարկումները։ Այս թեման քննարկել ենք Factor TV-ի եթերում։ Քննարկմանը մասնակցել են Գարեգին Միսկարյանը՝ «+374 քաղաքական ինքնորոշման ակումբի» նախագահ, Դավիթ Ալավերդյանը՝ Մեդիամաքսի գլխավոր խմբագիր, Յուրի Ավագյանը՝ «Ռեստարտ» հիմնադրամի տնօրեն, Նարինե Դիլբարյանը՝ ԵՊՀ դոցենտ, Դեմկուսի փոխնախագահ, Ռոբերտ Ղևոնդյանը՝ Հայկական խորհրդի փորձագետ, քաղաքագետ։
Հաղորդումն ամբողջությամբ՝ տեսանյութում։
Ռոբերտ Անանյան
