08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Ամերիկյան ընկերությունը անվճար չիպ կտեղադրի աշխատակիցների մաշկի տակ. BBC
Հասարակություն
25.07.2017 | 12:41
ԱՄՆ-ի Վիսկոնսին նահանգում գործող Three Square Market ընկերությունը կդառնա առաջինը, որ անվճար միկրոչիպեր կտեղադրի իր անձնակազմի մաշկի տակ. հայտնում է BBC-ն:
Բրնձի հատիկի մեծության չիփը (radio-frequency identification RFID), որն արժե 300 դոլար, մաշկի տակ տեղադրվելով, աշխատակիցներին հնարավորություն կընձեռի բացել աշխատասենյակի դռները, մուտք գործել համակարգիչներ և նույնիսկ սնունդ ձեռք բերել:
«Չնայած, որ աշխարհի բնակչության մեծ մասը պետք է երկար մտածի՝ յոթ չափի մեկ կտրի, չիփը տեղադրելուց առաջ, սակայն մենք ասում ենք, որ մտահոգվելու կարիք չկա»,- ասված է Three Square Market ընկերության հայտարարությունում:
Մինչդեռ սարքի տեղադրմանը դեմ եղողները պնդում են, որ նման սարքերի օգնությամբ կարելի է փոխել մարդու վարքը, վերահսկել նրա զգացմունքները, եթե հարկավոր լինի նաև նրան ուղղակի «վարդակից անջատել»:
