04.02.2026 | 12:55
TRIPP-ը պատմական քայլ է տարածաշրջանում խաղաղության և ուժեղ տնտեսություններ ստեղծելու ճանապարհին. Թրամփի բանագնաց
Վերջ դնեք լրագրողների հետապնդումներին, ազատ ԶԼՄ-ները նպաստում են խաղաղությանը. Անտոնիու Գուտերեշ
03.05.2017 | 14:46
ՄԱԿ-ի գլխավոր քարտուղար Անտոնիու Գուտերեշը կոչ է արել երկրների առաջնորդներին պաշտպանել ազատ ԶԼՄ-ներին և վերջ դնել լրագրողների հետապնդումներին. հայտնում է ՄԱԿ-ի լրատվական կենտրոնի կայքը:
Մայիսի 3-ին նշվող Մամուլի ազատության համաշխարհային օրվա առիթով իր ուղերձում Գուտերեշը հիշեցրել է այն վտանգների մասին, որոնց ենթարկվում են լրագրողները. «ԶԼՄ-ների աշխատակիցները ենթարկվում են զրպարտության, սեռական բնույթի հարձակումների, ձերբակալությունների, վնասվածքներ են ստանում և անգամ՝ զոհվում»:
«Հարկավոր է, որ առաջնորդները պաշտպանեն ազատ ԶԼՄ-ներին, դա չափազանց կարևոր է լայն տարածում ստացած ապատեղեկատվության դեմ պայքարելու համար: Եվ մեզ հարկավոր է, որ բոլորը պաշտպանեն ճշմարտությունն իմանալու մեր իրավունքը: Մամուլի ազատության համաշխարհային օրվա առթիվ ես կոչ եմ անում վերջ դնել լրագրողների հետապնդումներին, որովհետև ազատ ԶԼՄ-ները նպաստում են խաղաղությանն ու արդարությանը»,- հայտարարել է Գուտերեշը:
