05.10.2026 | 12:20
Մեսիի հրաժեշտի հանդիպման տոմսերը սպառվել են 4 րոպեում
«5 հոգի մարդ ունեմ զալատոյ․ մի 20 հոգի հետևիցդ բերես, որ 200 հազար ստանաս»․ ՀԿԿ-ի նոր գաղտնալսումը․ ՏԵՍԱՆՅՈՒԹ
Հասարակություն
02.06.2026 | 11:13
Հակակոռուպցիոն կոմիտեի և ՆԳՆ քրեական ոստիկանության Կոտայքի մարզային վարչության ծառայողների իրականացրած միջոցառումների արդյունքում տվյալներ են ստացվել, որ «Ուժեղ Հայաստան» կուսակցության Բյուրեղավանի տարածքային գրասենյակի ղեկավարը կուսակցության օգտին քվեարկելու պայմանով համայնքի բնակչին խոստացել և տվել է ընտրակաշառք։ Դեպքի առթիվ նախաձեռնվել է քրեական վարույթ, կան ձերբակալվածներ։
«Հակակոռուպցիոն կոմիտեի և ՆԳՆ քրեական ոստիկանության Կոտայքի մարզային վարչության ծառայողների կողմից իրականացված միջոցառումների արդյունքում փաստական տվյալներ են ստացվել այն մասին, որ «Ուժեղ Հայաստան» կուսակցության Կոտայքի մարզի Բյուրեղավան համայնքի տարածքային գրասենյակի ղեկավարը կուսակցության օգտին քվեարկելու պայմանով նույն համայնքի բնակչին խոստացել, ինչպես նաև տվել է ընտրակաշառք:
Դեպքի առթիվ ՀՀ հակակոռուպցիոն կոմիտեում նախաձեռնվել է քրեական վարույթ, ձերբակալվել են մեղադրյալներ, կատարվել խուզարկություններ և վարութային այլ գործողություններ»,- ասված է հաղորդագրությունում։
Հիշեցնենք՝ երեկ էլ Հակակոռուպցիոն կոմիտեն խուզարկություններ էր իրականացրել «Ուժեղ Հայաստան» կուսակցության Աջափնյակի գրասենյակում՝ ընտրակաշառք տալու, ստանալու դեպքերով նախաձեռնված քրեական վարույթի շրջանակներում։ Խուզարկությունների արդյունքում ձերբակալվել է 8 անձ։
