05.10.2026 | 10:44
Ռուսական հարձակման հետևանքով Խարկովում մեկ մարդ է զոհվել․ վնասվել են Օդեսայի մարզի նավահանգստային ենթակառուցվածքները
Նման ծառայությունները միջազգային ընդունված գին ունեն․ Eleveight AI-ի գործադիր տնօրեն
Հասարակություն
01.06.2026 | 15:43
Արհեստական բանականության (ԱԲ) ոլորտում հաշվողական հզորությունների վարձակալությունն ու ամպային տեխնոլոգիաների տրամադրումը միայն համագործակցության առաջին շերտն են։ Այսօր Գագարինում AI Factory տվյալների կենտրոնի բացման ասուլիսին ասաց «Eleveight AI» ընկերության համահիմնադիր և գործադիր տնօրեն Արման Ալեքսանյանը։
Նրա խոսքով՝ հաշվարկային ռեսուրսներից բացի, կողմերի համար առաջնահերթություն է հայալեզու կիրառելի մոդելների ստեղծումը։
«Շատ կարևոր է, օրինակ, հայերենով տեքստից ձայնային փոխակերպման և հակառակը մոդելների մշակումը։ Մեզ պետք են ոչ թե ուղղակի էքսպերիմենտալ, այլ այնպիսի գործուն մոդելներ, որոնք հնարավոր կլինի կիրառել իրական կյանքում»,- նշել է ընկերության ղեկավարը։
Անդրադառնալով լրագրողի հարցին, թե արդյոք ֆինանսապես ավելի հզոր արտասահմանյան ընկերությունները չեն զբաղեցնի ողջ հաշվողական տարածքը՝ ստվերում թողնելով հայկական ստարտափներին, «Eleveight AI»-ի գործադիր տնօրենը հայտնեց, որ ընկերությունն ի սկզբանե որոշում է կայացրել հատուկ ծավալներ նախատեսել և ամրագրել հենց տեղական շուկայի հաճախորդների համար, և այդ քայլն արդեն իսկ իրականացվել է։
Բացի այդ, նա պարզաբանեց, որ ԱԲ նմանատիպ ծառայություններն ունեն միջազգայնորեն ընդունված ստանդարտ գներ, և շուկան սահմաններ չի ճանաչում։
Մանրամասները՝ տեսանյութում։
