14.07.2026 | 11:23
Հայաստան-Ֆրանսիա հարաբերությունները նոր մակարդակի վրա են․ Փաշինյանի ուղերձը Մակրոնին
Արմավիրում ապօրինի հրացան կրելու կասկածանքով 44-ամյա քաղաքացի է ձերբակալվել
Հասարակություն
29.05.2026 | 13:04
Համայնքային ոստիկանության Արմավիրի բաժնի ծառայողները Նորապատ գյուղի դաշտամիջյան հատվածում հայտնաբերել և ձերբակալել են 44-ամյա տղամարդու, որի մոտ եղել է առանց համապատասխան թույլտվության որսորդական հրացան։ Նա ներկայացվել է նախաքննական մարմին։
«Համայնքային ոստիկանության Արմավիրի բաժնի ծառայողները մայիսի 26-ին Նորապատ գյուղում ծառայության ժամանակ 18-րդ փողոցի հարակից դաշտամիջյան հատվածում նկատել են մի տղամարդու, որի ձեռքին հրացան կար։
Պարզվել է, որ Մրգաշատ գյուղի բնակիչ 44-ամյա տղամարդը հրազենի համար համապատասխան թույլտվության չուներ։ Նա զենք-զինամթերք ապօրինի կրելու կասկածանքով ձերբակալվել և տեղափոխվել է Արմավիրի բաժին։
Անձնական խուզարկությամբ նրա մոտ հայտնաբերվել է 16 մմ տրամաչափի «ԻԺԿ» տիպի որսորդական ողորկափող հրացան։
44-ամյա տղամարդը կազմված փաստաթղթերի հետ ներկայացվել է նախաքննական մարմին։
ՆԳՆ ոստիկանությունը հորդորում է ապօրինի պահվող զենք-զինամթերքը կամավոր հանձնել՝ քրեական պատասխանատվությունից խուսափելու համար»,- ասված է հաղորդագրությունում։
