16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Մեր ցեղի մեջ մեծ ամաններով՝ «դոդի» ամաններով են ճաշել, դրանից էլ մնացել ա «Դոդի Գագո», ինչ կա դրա մեջ․ ՏԵՍԱՆՅՈՒԹ
Հասարակություն
28.05.2026 | 16:16
«Դա, իհարկե իրականությանը չի համապատասխանում, այդ տիպի բան չի կարող լինել, դա բացառված է, շինծու գործ է, իմ թիմակիցները բոլորն էլ դա գիտեն, սարքած գործ է, էդքան բան»,- քարոզարշավի 20-րդ օրը քաղաքացիների հետ հանդիպման ժամանակ ասաց ԲՀԿ ղեկավար Գագիկ Ծառուկյանը՝ անդրադառնալով երեկ Հակակոռուպցիոն կոմիտեի կողմից հրապարակած հաղորդագրությանն ու ձայնագրությանը, ըստ որի, կուսակցությունը ենթադրյալ ընտրակաշառք է բաժանում։
Լրագրողը Ծառուկյանից հարցրեց, թե ինչպես է վերաբերվում իշխանության ներկայացուցչի՝ Նիկոլ Փաշինյանի կողմից իրեն պարբերաբար մականունով դիմելու հանգամանքին։ «Ես կարող եմ ասել, որ ցանկացած երևացող, աշխույժ մարդ միշտ էլ մականուններ ունի: Էն մարդիկ, որ իրենցից բան չեն ներկայացնում, մականուն չունեն: Ավելի լավ է մականուն ունենաս, քան թե ծածկանուն ունենաս: Մի բան ավելացնեմ իմ մականվան հետ կապված, որ աշխույժ, ուժեղ երիտասարդ եմ եղել, իմանալու համար ով է այս երիտասարդը, պատասխանել են՝ Դոդենց Գագոն, Դոդի Գագոն։ Իմ ցեղի մեջ, մեծ ամանները, որ կոչվել են «դոդի ամաններ», դրանով են ճաշել, ի՞նչ կա դրա մեջ»,- իմ պատասխան ասաց Ծառուկյանը։
Մանրամասները՝ տեսանյութում։
Ռոզա Վարդանյան
