Հայաստանի Պրեմիեր լիգա. Վերջին տուրի տեսաամփոփումն ու թիմերի վերջնական դիրքերը

Ֆուտբոլի Հայաստանի Պրեմիեր լիգայում կայացել են վերջին տուրի հանդիպումներն ու հայտնի են դարձել բոլոր մեդալակիրները։

Չեմպիոնի տիտղոսը ժամանակից շուտ ապահոված «Արարատ-Արմենիան» սեփական խաղադաշտում նվազագույն հաշվով հաղթել է «Գանձասարին»։ Հանդիպումից հետո երևանյան ակումբը ստացել է չեմպիոնական գավաթը։

Նախորդ առաջնության չեմպիոն «Նոան» 5։0 հաշվով արտագնա հաղթանակ է տարել «Ուրարտուի» նկատմամբ և գրավել երկրորդ տեղը։

Բրոնզե մեդալակիր է դարձել «Փյունիկը», որն առաջնությունն ավատել է Չարենացվանի «Վանի» նկատմամբ 2։1 հաշվով հաղթանակով։

«Արարատ-Արմենիան» նվաճել է Չեմպիոնների լիգայի որակավորման փուլի ուղեգիր, իսկ «Նոան», «Փյունիկը» և չորրորդ տեղը գրաված «Ալաշկերտը» կխաղան Կոնֆերենցիաների լիգայի որակավորման փուլում։

Առաջնության լավագույն ռմբարկու է ճանաչվել «Ուրարտուի» բրազիլացի հարձակվող Բրունո Միշելը, որը դարձել է 19 գոլի հեղինակ։ Ռմբարկուների ցուցակում 15 գոլով երկրորդ տեղն է գրավել «Ալաշկերտի» ու Հայաստանի հավաքականի կիսապաշտպան Կարեն Նալբանդյանը։

Հայաստանի առաջնություն, 27-րդ տուր

«Արարատ-Արմենիա» – «Գանձասար»՝ 1։0

Ժիրայր Շաղոյան, 42

«Ուրարտու» – «Նոա»՝ 0։5

Գոռ Մանվելյան, 2, Նատանաել Սանտինի, 5, Արամ Խամոյան, 59, Մարին Յակոլիշ, 75, Գուստավո Սանգարե, 78

«Փյունիկ» – «Վան»՝ 2։1

Խավիեր Մորենո Սանչես, 21 (11մ), Ֆիլիպե Ալմեյդա, 84 – Պետրոս Ավետիսյան, 3

«Ալաշկերտ» – «Շիրակ»՝ 2:0

Ալեքսա Վիդիչ, 5 (ինքնագոլ), Յարոսլավ Մատյուխին, 24

«Արարատ» – ԲԿՄԱ՝ 1:1

Կալիֆալա Դումբիա, 64 (11մ) – Դավիթ Հարությունյան, 48