27.05.2026 | 22:19
Ի դեմս Փաշինյանի` հայհոյանքով, տառապանքով, դավաճան գոռալով հասանք խաղաղության հանգրվանի. Միքայելյան. ՏԵՍԱՆՅՈՒԹ
Զելենսկին շտապ նամակ է հղել Թրամփին Ուկրաինայում ՀՕՊ համակարգերի և հրթիռների կրիտիկական պակասի մասին
Քաղաքականություն
27.05.2026 | 21:13
Ուկրաինայի նախագահ Վլադիմիր Զելենսկին շտապ նամակ է հղել ԱՄՆ նախագահ Դոնալդ Թրամփին և Կոնգրեսին՝ զգուշացնելով ՀՕՊ համակարգերի պակասի մասին: Kyiv Independent-ը ծանոթացել է նամակի բովանդակությանը, դրա առկայությունը հաստատել է նախագահի գրասենյակի հաղորդակցության գծով խորհրդական Դմիտրի Լիտվինը, գրում է Current time-ը։
«PURL ծրագրով մատակարարումների ներկայիս տեմպն այլևս չի համապատասխանում մեր առջև ծառացած իրական սպառնալիքին։ Ուկրաինայի ժողովրդի անունից ես հարգանքով խնդրում եմ նախագահին և ԱՄՆ Կոնգրեսին՝ շարունակել ներգրավվածությունը և մեզ օգնել՝ ապահովել այս կենսական պաշտպանությունը ռուսական ահաբեկչության դեմ, Patriot PAC-3 հակաօդային պաշտպանության հրթիռները և այլ համակարգերը՝ կանգնեցնելու ռուսական բալիստիկ հրթիռները և ռուսական այլ հրթիռային հարվածները»,- նամակը մեջբերում է Kyiv Independent-ը։
ԱՄՆ-ում Ուկրաինայի դեսպան Օլգա Ստեֆանիշինան այն տարածել է Սպիտակ տան պաշտոնյաների և Կոնգրեսի այլ անդամների շրջանում։
Զելենսկին նաև օգնություն է խնդրել Patriot PAC-3 հրթիռների և լրացուցիչ հակաօդային համակարգերի մատակարարման հարցում։ Նամակն ուղարկվել է մայիսի 24-ին Ռուսաստանի կողմից Ուկրաինայի վրա իրականացված զանգվածային հարվածից ֆոնին, երբ Ռուսաստանը 90 հրթիռ և 600 անօդաչու թռչող սարք էր արձակել։
Թարգմանությունը՝ Էմմա Չոբանյանի
