26.05.2026 | 13:27
Հարի Քեյնը կարժանանա «Ոսկե խաղակոշիկին»․ անգլիացու բոլոր գոլերը՝ մեկ տեսաշարով․ ՏԵՍԱՆՅՈՒԹ
«Կարա՞ս ստեղով գաս, ինձ մի քիչ բան տաս», «Մի քիչ ինչքա՞ն»․ ՀԿԿ նոր ձայնագրությունը
Հասարակություն
26.05.2026 | 11:40
Հակակոռուպցիոն կոմիտեն հայտնում է, որ «Ուժեղ Հայաստան» կուսակցության Գորիս համայնքի տարածքային պատասխանատուն, ըստ ստացված տվյալների, մի շարք ընտրողների խոստացել և տվել է ընտրակաշառք՝ կուսակցության օգտին քվեարկելու պայմանով։ Դեպքի առթիվ նախաձեռնվել է քրեական վարույթ, կատարվել են խուզարկություններ։
«ՀՀ հակակոռուպցիոն կոմիտեի ծառայողների կողմից իրականացված օպերատիվ-հետախուզական միջոցառումների արդյունքում փաստական տվյալներ են ստացվել այն մասին, որ «Ուժեղ Հայաստան» կուսակցության Սյունիքի մարզի Գորիս համայնքի տարածքային պատասխանատուն կուսակցության օգտին քվեարկելու պայմանով նույն համայնքի մի շարք ընտրողների խոստացել, ինչպես նաև տվել է ընտրակաշառք:
Դեպքի առթիվ ՀՀ հակակոռուպցիոն կոմիտեում նախաձեռնվել է քրեական վարույթ, կատարվել են խուզարկություններ և վարութային այլ գործողություններ»,- ասված է հաղորդագրությունում։
