02.07.2026 | 11:00
Ազգային ժողովի արտահերթ նիստը՝ ՈՒՂԻՂ
Փաշինյանը Նվեր Ծառուկյանի գործով իրեն վերապահում է դատավճիռ կայացնելու գործառույթ․ Տոնոյան․ ՏԵՍԱՆՅՈՒԹ
Հասարակություն
15.05.2026 | 16:40
ԲՀԿ նախընտրական ցուցակի 12-րդ համարը զբաղեցնող Իվետա Տոնոյանն ասուլիսի ընթացքում քննադատեց վարչապետի հայտարարությունները՝ նշելով, որ դրանք կարող են ընկալվել որպես իրավապահ համակարգի աշխատանքի վրա ազդեցության փորձ։
Նրա խոսքով՝ իրավական գործընթացները պետք է իրականացվեն համապատասխան մարմինների կողմից, ոչ թե քաղաքական հայտարարությունների մակարդակում։
«Նիկոլ Փաշինյանը երեկ հնչեցնում է հայտարարություն, մեկնաբանում է Գագիկ Ծառուկյանի այն արտահայտությունը, որ Կոտայքի մարզում պարեկներ են աշխատանքից ազատվել, և դրանով ուղիղ ցուցում է տալիս իրավապահ համակարգին և ասում է, որ եթե անգամ չեն հեռացվել, ուրեմն պետք է հեռացվեն, եթե նրանք ունեն մտերիմ հարաբերություններ»,- ասաց Տոնոյանը։
Նա ընդգծեց, որ իրավապահ համակարգի լիազորությունները չեն կարող փոխարինվել քաղաքական գնահատականներով և հիշեցրեց անմեղության կանխավարկածի սկզբունքը։
«Ինչի՞ համար է Ներքին գործերի նախարարությունը, ինչի՞ համար է Ազգային անվտանգության ծառայությունը, ինչի՞ համար են տարբեր ատյանների դատարանները: Նիկոլ Փաշինյանը միանձնյա իրեն վերապահել է բոլոր այս համակարգերի աշխատանքի կանոնակարգման գործառույթը: Ես որևէ տրամաբանություն չեմ տեսնում: Էլ չեմ խոսում անմեղության կանխավարկածի մասին, որ Նիկոլ Փաշինյանը Նվեր Ծառուկյանի գործի հետ կապված իրեն վերապահում է դատավճիռներ կայացնելու գործառույթ»,- ասաց Տոնոյանը։
Մանրամասները՝ տեսանյութում։
