28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Օգնություն ենք խնդրում` կոչերի փոխարեն գործեն. անհետ կորածների հարազատները համալիրի դիմաց են․ ՏԵՍԱՆՅՈՒԹ
04.05.2026 | 10:53
Անհետ կորած զինծառայողների հարազատները Մարզահամերգային համալիրի դիմաց բողոքի ակցիա են իրականացնում: Նրանք պահանջում են գտնել և վերադարձնել իրենց որդիներին։ Ընդգծում են, որ իրենց գործողությունը քաղաքական բնույթ չունի և օգնության կոչ է։
«Մտածում ենք, որ կարող է ինչ-որ բան փոխվել։ Չգիտեմ` վեց տարի սպասում ենք»,- ասաց ակցիայի մասնակիցներից մեկը, որի որդին անհետ կորած է համարվում 44-օրյա պատերազմից հետո, հույս ունի, որ տղան ողջ է և Բաքվում է:
Տարեց տղամարդը, որի որդին նույնպես անհետ կորած է 44-օրյա պատերազմից հետո, հույս է հայտնում, որ միջազգային հանրությունը, այդ թվում՝ Եվրոպական միության երկրների ղեկավարները, որոնք այժմ Մարզահամերգային համալիրում են, կարող են դերակատարում ունենալ հարցի լուծման համար:
«Եթե մարդկային մոտեցում ունենան, իհարկե կարող են։ Ամբողջ աշխարհում խոսում են իրավունքներից, ազատությունից, բայց մենք արդեն քանի տարի է` սպասում ենք մեր երեխաներին»,- ասաց նա։
Ակցիայի մեկ այլ մասնակից էլ նշեց: «Մենք չենք ուզում, որ սա դառնա քաղաքական հարց։ Մենք սիրում ենք մեր երկիրը և չենք ցանկանում որևէ բիծ լինի դրա վրա։ Մեր պահանջը մեկն է՝ վերադարձնել մեր երեխաներին։ Մենք ակնկալում ենք ոչ թե միայն հայտարարություններ, այլ կոնկրետ գործողություններ՝ մարդասիրական բոլոր նորմերին համապատասխան»,– ասաց նա:
Մանրամասները` տեսանյութում:
