13.05.2026 | 18:02
Թրամփը Վենեսուելայի քարտեզն է հրապարակել՝ ԱՄՆ դրոշի գույներով
Եվրոպացի առաջնորդները գիտեն, որ մեր հանդեպ զանգվածային ոճրագործություններ են տեղի ունեցել. Բեգլարյան․ ՏԵՍԱՆՅՈՒԹ
Հասարակություն
04.05.2026 | 10:47
Արցախցիների վերադարձի իրավունքի հարցը շարունակում է մնալ առանց գործնական լուծման՝ չնայած միջազգային մի շարք կառույցների և պետությունների կողմից ընդունված փաստաթղթերին։ Այս մասին հայտարարեց Արցախի նախկին պետնախարար Արտակ Բեգլարյանը` Մարզահամերգային համալիրի դիմաց ընթացող ակցիայի ժամանակ:
«Բոլորս գիտենք, ընդ որում նաև եվրոպացի առաջնորդները գիտեն, որ մեր հանդեպ տեղի են ունեցել զանգվածային ոճրագործություններ։ Քաղաքական գործիչների մի մասը և փորձագետների մի մասը ասում են՝ ցեղասպանություն, մյուս մասը՝ էթնիկ զտում՝ պարզապես ցեղասպանության իրավական գնահատականից խուսափելու համար, ոչ ավելին»,- նշեց Բեգլարյանը:
Նա ընդգծեց, որ անկախ Հայաստանի իշխանությունների դիրքորոշումից՝ Արցախի ժողովուրդը շարունակում է ունենալ ինչպես վերադարձի իրավունք, այնպես էլ այդ իրավունքը իրացնելու հստակ ցանկություն։ Ակցիայի մասնակիցները միջազգային հանրությանը կոչ են անում իրական քայլեր ձեռնարկել՝ ապահովելու այդ իրավունքի իրագործումը։
Մանրամասներ` տեսանյութում:
