Հասարակություն
01.05.2026 | 17:42Ճիշտն ասած, շուտվանից այդպիսի ձայնագրություններ չեմ լսում, ընդհանրապես ինձ համար տհաճ է ուրիշի խոսակցությունը լսելը։ Այսպես արձագանքեց «Ուժեղ Հայաստան» կուսակցության խորհրդի անդամ Նարեկ Կարապետյանը Հակակոռուպցիոն կոմիտեի հրապարակած ձայնագրություններից մեկի բովանդակության վերաբերյալ լրագրողի հարցին։
Կաշառք տալու և ստանալու վերաբերյալ հրապարակված ձայնագրություններից մեկում նշվում է․ «Չենք կարող Նարեկով այդ հարցը լուծենք, մեծ փող վերցնենք «Ֆորա» բանկից»։
«Անգամ եթե իմ ներկայությամբ մեկը բարձրախոսը միացնում է, ես խնդրում եմ անջատել այդ բարձրախոսը, որովհետև ուրիշի խոսակցությունները լսելու ո՛չ ցանկություն ունեմ, ո՛չ էլ սեր ունեմ դրա նկատմամբ։ Այդ իսկ պատճառով չէի ուզենա մեկնաբանեի»,- նշեց նա։
Մանրամասները՝ տեսանյութում։
