30.04.2026 | 15:42
Եվգենի Լովչևն․ Արսեն Զախարյանը կոտրեց իր ֆուտբոլային կարիերան հանուն արտասահման տեղափոխվելու
Մինչև սահմանը չեն հատել, նման բան ասելը լուրջ չէ. Փաշինյանը` գերիների վերադարձի մասին. ՏԵՍԱՆՅՈՒԹ
Հասարակություն
30.04.2026 | 14:10
«Մինչև որևէ մեկը ձեր նշած անձանցից սահմանը չի հատել և չի հայտնվել Հայաստանի Հանրապետության տարածքում, ազդարարել նման հնարավորության մասին առնվազն լուրջ չէ»,- այս մասին Կառավարության նիստից հետ լրագրողների հետ ճեպազրույցի ժամանակ հայտարարեց վարչապետ Նիկոլ Փաշինյանը՝ անդրադառնալով Բաքվի գերիների վերադարձին։
Արձագանքելով մամուլում տեղ գտած այն տեղեկություններին, թե Ադրբեջանը պատրաստվում է գերիներին վերադարձնել ընտրություններից առաջ՝ իբրև աջակցություն գործող իշխանությանը, Փաշինյանը նշել է, որ նման պնդումները տրամաբանական չեն։ Նրա խոսքով՝ ժողովրդավարական երկրում, որտեղ հաճախակի են տարբեր մակարդակի ընտրությունները, ցանկացած իրադարձություն կարելի է որակել որպես «ընտրություններից առաջ» տեղի ունեցող։
«Ժողովրդավարական երկրում միշտ ընտրություններից առաջ է։ Ընտրությունների հաջորդ օրը արդեն հաջորդ ընտրություններից առաջ է»,- ասաց նա։
Գերիների և Արցախի նախկին պաշտոնյաների վերադարձի վերաբերյալ Փաշինյանը վերահաստատել է, որ կառավարությունն այդ ուղղությամբ իրականացնում է ամենօրյա աշխատանք։ Սակայն նա որևէ կոնկրետ ժամկետ չի հայտնել՝ ընդգծելով, որ նախապես նման հայտարարություններ անելը լուրջ չեն։
Մանրամասները՝ տեսանյութում։
