06.10.2026 | 12:01
Հաքերները Դանիայում հասանելիություն են ստացել 8,8 միլիոն մարդու տվյալներին
ԱՄՆ-ում ՀՀ դեսպանը և ԱՄՆ պետքարտուղարի տեղակալը քննարկել են ժողովրդավարության, հիբրիդային սպառնալիքների և կրոնական ազատության հարցեր
Քաղաքականություն
17.04.2026 | 13:39
ԱՄՆ-ում ՀՀ դեսպան Նարեկ Մկրտչյանը դեսպանությունում ընդունել է ԱՄՆ պետքարտուղարի՝ ժողովրդավարության, մարդու իրավունքների և աշխատանքի հարցերով տեղակալ Ռայլի Բարնսին։ Հանդիպման ընթացքում կողմերը քննարկել են ժողովրդավարական ինստիտուտների ամրապնդման, ԹՐԻՓՓ նախաձեռնության իրականացման, հիբրիդային սպառնալիքների, ապատեղեկատվության դեմ պայքարի և կրոնական ազատությանն առնչվող հարցեր՝ վերահաստատելով փոխգործակցությունը խորացնելու պատրաստակամությունը։
«ԱՄՆ-ում ՀՀ դեսպան Նարեկ Մկրտչյանը դեսպանությունում հյուրընկալել է ԱՄՆ պետքարտուղարի՝ ժողովրդավարության, մարդու իրավունքների և աշխատանքի հարցերով տեղակալ Ռայլի Բարնսին։
Հանդիպման ընթացքում դեսպանը բարձր է գնահատել ժողովրդավարական ինստիտուտների ամրապնդման գործընթացում ԱՄՆ աջակցության կարևորությունը և դրա շարունակականության ապահովումը։
Կողմերը մտքեր են փոխանակել ԹՐԻՓՓ նախաձեռնության իրականացման շուրջ, քննարկել հիբրիդային սպառնալիքներին, ապատեղեկատվության դեմ պայքարին, ինչպես նաև կրոնական ազատությանն առնչվող մի շարք հարցեր։
Զրուցակիցները վերահաստատել են փոխգործակցությունը խորացնելու պատրաստակամությունը՝ երկուստեք հետաքրքրություն ներկայացնող ոլորտներում»,- ասված է հաղորդագրությունում։
