27.07.2026 | 18:08
Ընտրությունների մասնակցելու համար ՀՀ ժամանած քանի քաղաքացի է ստացել վարժական հավաքների ներկայանալու ծանուցագրեր
Դավիթ Խաչատրյանը՝ Տեղեկատվական համակարգերի կարգավորման հանձնաժողովի անդամ
Հասարակություն
16.04.2026 | 10:40
Դավիթ Խաչատրյանն ընտրվեց Տեղեկատվական համակարգերի կարգավորման հանձնաժողովի անդամի պաշտոնում. նրա թեկնածությունն առաջադրել էր «Քաղաքացիական պայմանագիր» խմբակցությունը:
ԱԺ-ում երեկ տեղի ունեցած փակ, գաղտնի քվեարկությանը մասնակցել է 61 պատգամավոր, բոլորը կողմ են քվեարկել:
Հունվարի 21-ին Խաչատրյանը հայտարարել էր աշխատանքի և սոցիալական հարցերի նախարարի տեղակալի պաշտոնից հեռանալու մասին, որը զբաղեցրել է 2020 թվականի դեկտեմբերի 22-ից։ 2018 թվականի սեպտեմբերին նա մասնակցել էր Երևանի ավագանու ընտրություններին՝ «Իմ քայլը» կուսակցությունների դաշինքի ընտրացուցակում և ընտրվել է Երևանի ավագանու կազմում։
Ավելի վաղ Ազգային ժողովը Տեղեկատվական համակարգերի կարգավորման հանձնաժողովի նախագահի պաշտոնում ընտրել է Ներսես Երիցյանին (5 տարի ժամկետով), իսկ անդամների պաշտոնում՝ Սրբուհի Հակոբյանին (3 տարի ժամկետով) և Նաիրի Ադամյանին (4 տարի ժամկետով)։
