14.04.2026 | 23:28
Կրեմլը վերանայում է ինտերնետի սահմանափակումների նկատմամբ մոտեցումը՝ վախենալով Պուտինի վարկանիշի անկումից․ Bloomberg
Ստուգի՛ր դրամապանակդ․ ապրիլի 15-ից մի շարք թղթադրամներ դուրս կգան շրջանառությունից․ ՏԵՍԱՆՅՈՒԹ
Հասարակություն
14.04.2026 | 17:45
2026 թվականի ապրիլի 15-ից Հայաստանում շրջանառությունից դուրս կգան 2-րդ սերնդի բնականոն մաշվածության մի շարք թղթադրամներ։
Խոսքը վերաբերում է հետևյալ անվանական արժեքներին՝
500 դրամ (1999 թ․, Ալեքսանդր Թամանյան)
1000 դրամ (1999, 2001, 2011, 2015 թթ․, Եղիշե Չարենց)
5000 դրամ (1999, 2003, 2009, 2012 թթ․, Հովհաննես Թումանյան)
10000 դրամ (2003, 2006, 2008, 2012 թթ․, Ավետիք Իսահակյան)
20000 դրամ(1999, 2007, 2009, 2012 թթ․, Մարտիրոս Սարյան)։
Շրջանառությունից դուրս է գալիս 1999 թվականին թողարկված 500 դրամանոց թղթադրամը (ոչ մետաղադրամը)։ Հայաստանի Հանրապետության Կենտրոնական բանկից Factor.am-ին հայտնել են, որ թեև այս թղթադրամը գործնականում վաղուց չէր օգտագործվում, այն ևս դասվում էր երկրորդ սերնդի՝ բնականոն մաշվածության հետևանքով շրջանառությունից դուրս եկող թղթադրամների շարքին։
Ապրիլի 15-ից հետո այս թղթադրամներով այլևս հնարավոր չի լինի վճարումներ կատարել։ Միևնույն ժամանակ, քաղաքացիները կարող են իրենց մոտ առկա «հին» թողարկման թղթադրամները փոխանակել՝ անվճար, անժամկետ և առանց սահմանափակումների։
Փոխանակումը հնարավոր է իրականացնել Կենտրոնական բանկում և ՀՀ տարածքում գործող առևտրային բանկերում։
Մանրամասները՝ տեսանյութում։
Անի Թամրազյան
