03.08.2026 | 23:14
Արմավիր քաղաքի ռեստորաններից մեկի մոտակայքում ավտոմեքենա է այրվել
Ծանրամարտի ֆեդերացիան դիմել է դատարան՝ պահանջելով դադարեցնել ՀԱՕԿ նախագահ Գագիկ Ծառուկյանի լիազորությունները
Հասարակություն
12.04.2026 | 19:25
Հայաստանի ծանրամարտի ֆեդերացիան դիմել է դատարան և պահանջում է 2025 թվականի սեպտեմբերի 9-ից դադարած ճանաչել Գագիկ Ծառուկյանի՝ որպես ՀԱՕԿ նախագահ, ինչպես նաև վերստուգիչ հանձնաժողովի անդամների լիազորությունները, որպես հետևանք անվավեր ճանաչել 2025 թվականի սեպտեմբերի 9-ից նախագահի և հանձնաժողովի կողմից կայացված բոլոր որոշումները և գործողությունները։
Նշենք, որ 2025-ի հունվարի 22-ից ֆեդերացիայի նախագահի պաշտոնը զբաղեցնում է վարչապետի աշխատակազմի ղեկավար Արայիկ Հարությունյանը, իսկ Ծառուկյանը Հայաստանի ազգային օլիմպիական կոմիտեի (ՀԱՕԿ) նախագահն է 2004-ի սեպտեմբերի 9-ից, ընտրվել է 4 տարի ժամկետով։
Հայցվորը պնդում է՝ Ծառուկյանի պաշտոնավարման ժամկետը լրացել է 2025 թվականի սեպտեմբերի 9-ին, նոր ընտրություն տեղի չի ունեցել, սակայն վերջինս շարունակել է պաշտոնավարել որպես ՀԱՕԿ նախագահ։
Հայցադիմումը դատարան է ստացվել ապրիլի 8-ին և մակագրվել դատավոր Անուշավան Մուշեղյանին։
Եվգենյա Համբարձումյան
