05.10.2026 | 14:44
Դուք որևիցե հարցի պատասխանելու ընդունակ չեք․ Լիաննա Գասպարյանը՝ Քաղծառայության գրասենյակի պետին․ ՏԵՍԱՆՅՈՒԹ
Ովքեր կարող են ազատվել ծառայությունից․ Կառավարությունը նոր նախագիծ է ներկայացրել
Հասարակություն
10.04.2026 | 13:01
Կրթության, գիտության, մշակույթի և սպորտի նախարարությունը քննարկման է ներկայացրել որոշման նախագիծ, որով առաջարկվում է փոփոխություն և լրացում կատարել 2019 թվականի փետրվարի 15-ի N 89-Ն որոշման մեջ, որը սահմանում է քաղաքացիներին բացառիկ դեպքերում պարտադիր զինվորական ծառայությունից ազատելու կարգը։
Նախագծով առաջարկվում է գործող կարգում ավելացնել նոր հիմք, ըստ որի՝ պարտադիր զինվորական ծառայությունից ազատման հարցը կարող է դիտարկվել նաև այն քաղաքացիների համար, ովքեր օրենքով սահմանված կարգով ստացել են տարկետում, ավարտել են ուսումը աշխարհի լավագույն բուհերում և դրանից հետո առնվազն երեք տարի աշխատել են Հայաստանի Հանրապետությունում՝ Կառավարության կողմից սահմանված ոլորտում։
Նախագծով նաև հստակեցվում է, որ փոփոխությունը տարածվելու է ոչ միայն ապագայում առաջացող հարաբերությունների վրա, այլ նաև այն քաղաքացիների, ովքեր արդեն ստացել են տարկետում և կատարել են համապատասխան աշխատանքային պարտավորությունը։
Նախագիծն իրավական ակտերի նախագծերի հրապարակման միասնական կայքում կմնա մինչև ապրիլի 26-ը։
Արփի Հակոբյան
