30.03.2026 | 16:21
Թուրքիան, Եգիպտոսը և Սաուդյան Արաբիան դիտարկում են Հորմուզի նեղուցը կառավարելու համար կոնսորցիում ստեղծելու հարցը
Քրեական վարույթ է նախաձեռնվել՝ եկեղեցում Փաշինյանի հետ կապված միջադեպի առթիվ
Հասարակություն
30.03.2026 | 13:40
Երևանի Սուրբ Աննա եկեղեցում երեկ տեղի ունեցած միջադեպի առթիվ նախաձեռնվել է քրեական վարույթ՝ խուլիգանության և պաշտոնատար անձի օրինական ծառայողական կամ քաղաքական գործունեությանը միջամտելու հատկանիշներով։ Այս մասին Factor TV-ին հայտնեց ՔԿ մամուլի քարտուղար Կիմա Ավդալյանը։
Հիշեցնենք՝ Սուրբ Աննա առաջնորդանիստ մայր տաճարում վարչապետ Նիկոլ Փաշինյանը կուսակիցների հետ մասնակցում էր Ծաղկազարդի օրվան նվիրված պատարագին։
Երբ Փաշինյանը դուրս էր գալիս եկեղեցուց, միջադեպ տեղի ունեցավ․ ուղիղ հեռարձակման տեսանյութում երևում է, որ ինչ-որ մեկը փորձում է ձեռքով հարվածել վարչապետին։ Միջադեպից հետո 3 անձ է ձերբակալվել։ Նրանց նկատմամբ այս պահին հանրային քրեական հետապնդում հարուցված չէ։
Արփի Հակոբյան
