26.10.2026 | 17:10
Եկամուտների տարեկան հայտարարագրերի ներկայացման վերջնաժամկետը նոյեմբերի 1-ն է․ ՊԵԿ
Ամառային զորակոչի օրերը հայտնի են
Հասարակություն
26.03.2026 | 14:28
Շարքային կազմի պարտադիր զինվորական ծառայության 2026 թվականի ամառային զորակոչ հայտարարելու և զորացրում կատարելու մասին որոշման նախագիծը հանրային քննարկման է ներկայացվել։
Նախագծով նախատեսվում է զորակոչի շրջանակում ԶՈՒ համալրման ժամկետը սահմանել 2026թ․ հունիսի 22-ից մինչև օգոստոսի 15-ը, իսկ պարտադիր զինվորական ծառայություն անցած զինծառայողների զորացրումն իրականացնել 2026թ. հունիսի 24-ից մինչև օգոստոսի 15-ը ներառյալ, քանի որ 2024թ. ամառային զորակոչի ժամանակ ԶՈՒ համալրումն (զորակոչը) իրականացվել է 2024թ. հունիսի 24-ից մինչև օգոստոսի 15-ը ներառյալ:
Պարտադիր զինվորական կամ այլընտրանքային զինվորական ծառայություն անցած զինծառայողների զորացրումը՝ հունիսի 24-ից մինչև օգոստոսի 15-ը։
Զորակոչի ենթակա են լինելու՝
- արական սեռի այն քաղաքացիները, որոնց 18 տարին լրանում է մինչև 2026 թվականի հունիսի 30-ը ներառյալ,
- այն քաղաքացիները, որոնց նախկինում տրված տարկետման ժամկետը դադարում է մինչև 2026 թվականի հունիսի 30-ը,
- իգական սեռի քաղաքացիները, ովքեր մինչև 2026 թվականի մարտի 1-ը ներկայացրել են կամավոր հիմունքներով ծառայություն անցնելու դիմում,
- արական սեռի այն քաղաքացիները, ովքեր ցանկություն են հայտնել զորակոչվել օրենքով սահմանված այլ հիմքերով։
Եվգենյա Համբարձումյան
