26.03.2026 | 11:03
Որ հասցեներում և ինչ գործի շրջանակում է ՆԳՆ-ն խուզարկություններ իրականացրել
Թանկացվում և բարդացվում է ամուսնալուծությունը․ Սրբուհի Գալյանը նոր նախագիծ է ներկայացրել
Հասարակություն
26.03.2026 | 09:40
Հայաստանի կառավարությունը նախատեսում է փոփոխություններ կատարել քաղաքացիական կացության ակտերի գրանցման (ՔԿԱԳ) ոլորտում՝ ծառայությունների որակի բարձրացման և վարչարարության արդյունավետության հիմնավորմամբ։
Փոփոխություններով առաջարկվում է ամուսնալուծության պետական գրանցման համար սահմանել նվազագույնը երկամսյա ժամկետ։ Այն կարող է կրճատվել դիմողների ցանկությամբ՝ լրացուցիչ վճարի դիմաց, սակայն այդ վճարը նախատեսվում է բարձրացնել՝ ընտանիքի պահպանմանը նպաստելու և հապճեպ որոշումները զսպելու նպատակով։
Ըստ պաշտոնական տվյալների՝ 2021-ից մինչև 2025 թվականը գրանցվել է 21 640 ամուսնալուծություն, որոնցից միայն 222-ն են իրականացվել կրճատ ժամկետով։
Սովորական ընթացակարգով ժամկետը կսահմանվի 2 աշխատանքային օր (նախկին 1 օրվա փոխարեն), իսկ արագացված տարբերակով՝ 1 օր՝ հավելյալ 10 000 դրամ վճարի դիմաց։ Բազային պետական տուրքը կմնա 7 000 դրամ։
Կառավարության հիմնավորմամբ՝ այս փոփոխությունները նպատակ ունեն ապահովել ծառայությունների ճկունությունը, արդյունավետությունը և ռեսուրսների ճիշտ բաշխումը։
Նախագիծը մշակվել է Արդարադատության նախարարության կողմից։
Նարեկ Կիրակոսյան
