26.10.2026 | 16:50
Հաջիևը հայտարարել է, թե Հայաստանն ու հայ հասարակությունը «պետք է ներողություն խնդրեն ադրբեջանցիներից»
ԱԺ-ն փոխեց Հողային օրենսգիրքը․ եկեղեցուն այլևս հողերն անհատույց չեն տրվի
Հասարակություն
25.03.2026 | 13:21
Պետության և համայնքների սեփականությունը հանդիսացող հողամասերը սեփականության իրավունքով անհատույց այլևս չեն կարող տրամադրվել Հայաստանյայց առաքելական սուրբ եկեղեցուն՝ եկեղեցիների և եկեղեցապատկան կառույցների շինարարության և դրանց սպասարկման համար:
ԱԺ-ն 67 կողմ, 26 դեմ, 3 ձեռնպահ ձայնով ամբողջությամբ ընդունեց ՏԿԵ նախարարության ներկայացրած «Հողային օրենսգրքում փոփոխություն կատարելու մասին» օրենքի փոփոխությունների նախագիծը։
Քննարկման ժամանակ ԱԺ տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովի նախագահ, ՔՊ-ական պատգամավոր Վահե Ղալումյանը վստահեցրեց, որ օրենքի այս փոփոխությունները եկեղեցու դեմ չեն, այլ ընդամենը կարգավորելու են հողային սեփականության հարցերը։
Կառավարությունից պնդում են՝ նախագծի ընդունման անհրաժեշտությունը պայմանավորված է այն հանգամանքով, որ ներկայում իրականացվում է պետության և համայնքային սեփականություն հանդիսացող գույքի նպատակային և արդյունավետ օգտագործման ուղղությամբ քաղաքականություն և փոփոխությունն անհրաժեշտ է դիտարկել այս համատեքստում։
