29.09.2026 | 23:23
«Դեֆանս Հաուզինգ»-ը պարզաբանել է թաղամասում երեք մարդու մահվան դեպքի հանգամանքները
Նախակրթարան հաճախելու հնարավորություն կունենան նաև 4 տարեկան երեխաները․ Ժաննա Անդրեասյան․ ՏԵՍԱՆՅՈՒԹ
Հասարակություն
24.03.2026 | 16:06
500 մանկապարտեզների և նախակրթարանների մեծածավալ ծրագրի ամփոփիչ փուլում ենք։ Այս մասին ԱԺ-ում «Նախադպրոցական կրթության մասին» օրենքում լրացում և փոփոխություններ կատարելու վերաբերյալ նախագծի քննարկման ժամանակ ասել է ԿԳՄՍ նախարար Ժաննա Անդրեասյանը։
«Սակայն այս աշխատանքների իրականացման ընթացքում կարիք ունենք նաև անընդհատ ուշադիր լինել և լավարկել ու բարելավել այն ընթացակարգերը, որոնք թույլ են տալիս նաև ավելի մեծ ընդգրկվածություն ապահովել մեր երեխաների կրթության համար։ Եվ այդ պայմաններում է նաև, որ առաջարկվել է այս փոփոխությունը, մասնավորապես՝ նախատեսելով, որպեսզի նախակրթարանները ունենան հնարավորություն ընդունելու երեխաներին 4-ից 6 տարեկան տարիքային խմբում։ Եվ սա նշանակում է, որ այժմ գործող 5 տարեկանի փոխարեն նախակրթարան կունենան հնարավորություն հաճախելու նաև 4 տարեկան երեխաները։
Եվ սա կարևոր եմ համարում հատկապես, օրինակ, քաղաքային բնակավայրերում, որտեղ մենք գիտենք, որ երբեմն գոյանում են հերթեր և ոչ բոլոր երեխաներն է, որ կարողանում են ավելի վաղ փուլում ներգրավվել նախադպրոցական կրթության մեջ»,- նշեց նա։
Մանրամասները՝ տեսանյութում։
