27.10.2026 | 14:04
Էդգար Ղազարյանի ճեպազրույցը՝ ՈՒՂԻՂ
Ապրիլի 1-ից կբարձրանան խնամքի կենտրոնների աշխատակիցների աշխատավարձերը. Արսեն Թորոսյան
Հասարակություն
24.03.2026 | 11:58
ՀՀ աշխատանքի և սոցիալական հարցերի նախարարության ենթակայությամբ գործող խնամքի կենտրոնների աշխատակիցների աշխատավարձերը ապրիլի 1-ից կբարձրանան 30 տոկոսով։ Այս մասին ֆեյսբուքյան էջում հայտնել է նախարար Արսեն Թորոսյանը։
«Մենք դրան հասել ենք բյուջետային կարգապահության և նաև էֆեկտիվ կառավարման շնորհիվ: Եվ հետևաբար, մայիսին, հարգելի գործընկերներ, դուք կստանաք պլյուս 30% աշխատավարձ, և ես, որպես նախարարության ղեկավար, ըստ էության, ձեզնից ակնկալում եմ ավելի լավ աշխատանք, ավելի մեծ ջանքերի ներդրում մեր հազարավոր քաղաքացիների հետ աշխատելիս, խնամելիս, ծառայություններ մատուցելիս»,- ասել է Թորոսյանը:
Բարձրացումը վերաբերում է նախարարության ենթակայությամբ գործող՝ երեխաների, տարեցների, հոգեկան առողջության խնդիրներ ունեցողների կենտրոններում աշխատող քաղաքացիների, երեխաների ցերեկային կենտրոնների բոլոր աշխատակիցների աշխատավարձին։
