17.08.2026 | 23:08
Զորականում և Ամասիայում շչակներ են փորձարկվելու
Աբովյանում ավտոմեքենան բախվել է ծառին․ 19-ամյա վարորդը մահացել է
Հասարակություն
23.03.2026 | 15:34
Կոտայքի մարզում ավտովթար է տեղի ունեցել, որի հետևանքով կա 1 զոհ և 3 վիրավոր, գրում է shamshyan.com-ը։
«Ժամը 00:40-ի սահմաններում Սյունիքի մարզում հաշվառված 19-ամյա Վարդան Ա.-ն իր վարած «Kia» մակնիշի ավտոմեքենայով Աբովյան քաղաքի Հատիսի փողոցում դուրս է եկել ճանապարհի երթևեկելի գոտուց, բախվել ծառին և կիսակողաշրջվել։ Վթարի հետևանքով Վարդան Ա.-ն, ուղևորներ՝ Կոտայքի մարզի բնակիչներ 19-ամյա Ամուր Ա.-ն, 20-ամյա Ռոբերտ Ղ.-ն և 19-ամյա Արամ Ա.-ն մարմնական վնասվածքներով տեղափոխվել են «Աբովյան» բժշկական կենտրոն», – գրում է կայքը։
Ավելի ուշ հիվանդանոցից ահազանգ է ստացվել ոստիկանության Կոտայքի բաժին, որ վիրավորներից Վարդան Ա.-ն գիտակցության չգալով՝ մահացել է։
Factor.am-ի հետ զրույցում ՆԳՆ-ից հաստատեցին տեղեկությունը։
Քննչական կոմիտեից էլ փոխանցեցին, որ դեպքի առթիվ նախաձեռնվել է քրեական վարույթ՝ Քրեական օրենսգրքի 342-րդ հոդվածի 2-րդ մասով (ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման անվտանգությունն ապահովող կանոնները խախտելը, որն անզգուշությամբ առաջացրել է մարդու մահ)։
Նշանակվել են համապատասխան փորձաքննություններ։ Կատարվում է նախաքննություն:
Shamshyan.com-ի տեղեկություններով՝ մահացածը զինծառայող էր։
Անի Թամրազյան
