02.07.2026 | 16:32
ՔԿ-ն մանրամասներ է հայտնում գնդապետ Էդիկ Մալոյանի ձերբակալությունից
ԵՄ-ՀՀ խորհրդարանական գործընկերության կոմիտեի նիստում Արմեն Ղազարյանը ներկայացրել է վիզաների ազատականացման ուղղությամբ իրականացվող աշխատանքները
Քաղաքականություն
23.03.2026 | 10:17
Մարտի 19-ին տեղի է ունեցել ԵՄ-ՀՀ խորհրդարանական գործընկերության կոմիտեի հինգերորդ նիստը, որին մասնակցել է Ներքին գործերի նախարարի տեղակալ Արմեն Ղազարյանը․ այս մասին հաղորդագրություն է տարածել ՀՀ ներքին գործերի նախարարությունը։
Քննարկվել են ՀՀ-ԵՄ գործընկերության նոր օրակարգին առնչվող հարցեր։ Անդրադարձ է կատարվել վիզաների ազատականացման գործընթացում արձանագրված առաջընթացին, այդ թվում՝ կարճաժամկետ վիզաների տրամադրման ուղղությամբ իրականացվող աշխատանքներին, ինչպես նաև ենթակառուցվածքային ծրագրերին։
Արմեն Ղազարյանը ներկայացրել է վիզաների ազատականացման գործընթացի հիմնական փուլերը՝ երկխոսության մեկնարկից մինչև Գործողությունների ծրագրի ստացումը և դրա իրականացման ուղղությամբ ձեռնարկվող գործնական քայլերը։ Մասնավորապես, անդրադարձ է կատարվել հայկական կողմին տրամադրված Գործողությունների ծրագրի բովանդակությանը՝ ընդգծելով սահմանված հենանիշները և դրանց կատարման շրջանակում իրականացվող օրենսդրական ու ինստիտուցիոնալ բարեփոխումները։
Կարևորվել են փաստաթղթերի անվտանգության բարձրացման նպատակով պետություն-մասնավոր գործընկերություն ձևաչափով իրականացվող ծրագրերը, միգրացիայի և սահմանների համալիր կառավարման ռազմավարությունների մշակումը, ինչպես նաև ապաստանի համակարգի թվայնացման գործընթացը։
Իրավապահ ոլորտում իրականացվող բարեփոխումների համատեքստում Արմեն Ղազարյանը նշել է, որ իրականացվող փոփոխությունները միտված են ոչ միայն համակարգի վերակազմակերպմանը, այլև ոստիկանության գործունեության ժամանակակից չափանիշների ներդրմանը։
Ներքին գործերի նախարարությունը վիզաների ազատականացման գործողությունների ծրագրի արդյունավետ իրականացման ուղղությամբ որդեգրել է համակարգված մոտեցում՝ ընդգծել է փոխնախարար Արմեն Ղազարյանը։
