22.04.2026 | 22:45
Թուրք լրագրողի համար դատախազությունը պատիժ է պահանջում` հայ երիտասարդների հետ Ցեղասպանության հետ կապված զրույցի համար
Մխչյանի դպրոցի երեխաներին առաջարկված սպիտակ փոշին գաջ է եղել
Հասարակություն
20.03.2026 | 18:22
Շուրջ մեկ տարի առաջ Արարատի մարզի Մխչյան գյուղի դպրոցի բարձր դասարանի աշակերտների կողմից ցածր դասարանի աշակերտներին առաջարկված փոշենման զանգվածը գաջ է եղել։ Այս մասին Factor.am-ին հայտնեցին իրավապահ համակարգի աղբյուրները։
Հիշեցնենք՝ շուրջ մեկ տարի առաջ՝ 2025 թվականի մայիսին, տեղեկություն տարածվեց, ըստ որի, Արարատի մարզի Մխչյան գյուղի դպրոցի բարձր դասարանի մի քանի աշակերտներ չորս ամիս շարունակ հետապնդել են 4-րդ դասարանի երկու երեխաների, ստիպողաբար նրանց շուրթերին թմրանյութի նմանվող ճերմակ փոշի քսել, լցրել բերանն ու այդպիսով, ըստ նախնական տեղեկությունների, կախվածություն առաջացրել։
Այս դեպքով քրեական վարույթ էր նախաձեռնվել։ ՔԿ խոսնակ Կիմա Ավդալյանը Factor.am-ին փոխանցեց, որ քրեական վարույթի նախաքննության ընթացքում և՛ զանգվածից, և՛ անչափահասներից վերցված նմուշներն ուղարկվել են փորձաքննության, որոնց եզրակացությամբ հաստատվել է, որ երեխաների օրգանիզմում թմրամիջոց չի եղել: Նա նաև նշեց, որ այլ մանրամասներ չի կարող հայտնել, քանի որ նախաքննությունը դեռ ընթացքի մեջ է։
Այս թեման այսօր քննարկման առարկա դարձավ, երբ Factor.am-ն ԱԺ ժամանած ՀՀ Ներքին գործերի նախարար Արփինե Սարգսյանից հետաքրքրվեց, թե, ի վերջո, այս դեպքով ինչ է բացահայտվել։
«Մխչյանի դպրոցի հետ կապված բոլորիս մոտ այն ընկալում է եղել, որ այդ սպիտակ նյութը թմրամիջոց է։ Իրավապահ համակարգը ստացել է փորձաքննության արդյունքերը և պարզ է դարձել, որ թմրամիջոցի հետ գործ չունենք։ Փոշենման սպիտակ զանգված է եղել, ոչ մի վտանագավոր բան չի եղել»,-ասաց նախարարը՝ չպարզաբանելով հստակ, թե ինչ փոշենման զանգվածի մասին է խոսքը։
Նարեկ Կիրակոսյան
