06.06.2026 | 11:56
Արամ Դանիելյանից կբռնագանձվեն բնակարաններ, հողամասեր, մեքենաներ և 100 մլն դրամ
Դատապարտյալի համար բերված շաուրմաների միջից՝ թմրամիջոցին նմանվող զանգվածներ
Հասարակություն
20.03.2026 | 13:08
Քրեակատարողական ծառայությունից հայտնում են, որ «Նուբարաշեն» ՔԿՀ-ում դատապարտյալի անվամբ բերված հանձնուքը զննության է ենթարկվել ու շաուրմաների միջից հայտնաբերվել են թմրամիջոցին նմանվող զանգվածներ։
«Քրեակատարողական ծառայության կենտրոնական մարմնի օպերատիվ վարչության «Նուբարաշեն» տարածքային բաժնի ծառայողները, իրացնելով ստացված օպերատիվ տեղեկությունները, «Նուբարաշեն» քրեակատարողական հիմնարկի անվտանգության ապահովման բաժնի ծառայողների հետ համատեղ մարտի 19-ին զննության են ենթարկել քաղաքացու կողմից դատապարտյալի համար բերված հանձնուքը։
Զննության արդյունքում շաուրմաների միջից ծառայողները հայտնաբերել են 3 փաթեթ, որոնցում առկա են եղել մարիխուանա տեսակի թմրամիջոցին նմանվող, ընդհանուր 6 գրամ քաշով, դեղնականաչավուն զանգվածներ։
Հանձնուքը բերած քաղաքացին ձերբակալվել է «Նուբարաշեն» տարածքային բաժնի ծառայողների կողմից և հայտնաբերված փաթեթների հետ միասին ներկայացվել ՀՀ ՔԿ Էրեբունի և Նուբարաշեն վարչական շրջանների քննչական բաժին»,- ասված է հաղորդագրությունում։
