19.03.2026 | 11:47
Հայաստանի և Ադրբեջանի միջև խաղաղության համաձայնագրի վերջնական կնքման ճանապարհին խոչընդոտներ կան. ԱՄՆ հետախուզություն
Ստեփանավան համայնքին կվերադարձվի ընդհանուր օգտագործման կանաչապատ հողատարածք. Դատախազություն
Հասարակություն
19.03.2026 | 10:31
ՀՀ գլխավոր դատախազությունից հայտնում են, որ Հակակոռուպցիոն դատարանը 2026 թվականի մարտի 13-ի վճռով բավարարել է Գլխավոր դատախազության հայցն ընդդեմ ֆիզիկական անձի, Ստեփանավան համայնքի, առևտրային բանկի և երրորդ անձ՝ Կադաստրի կոմիտեի: Նշվում է, որ Ստեփանավան համայնքին կվերադարձվի ընդհանուր օգտագործման կանաչապատ հողատարածք։
«Դատական ակտն օրինական ուժի մեջ մտնելուց հետո, Լոռու մարզի Ստեփանավան համայնքին կվերադարձվի Ստեփանավանի Բոնդարև 4/1 հասցեում գտնվող՝ 105 քմ մակերեսով ընդհանուր օգտագործման կանաչապատ հողատարածքը:
Հիշեցնենք, որ Գլխավոր դատախազությունը 2024 թվականին հայց էր ներկայացրել Վարչական դատարան՝ Ստեփանավան համայնքի ղեկավարի 2011 թվականի դեկտեմբերի 26-ի որոշումն առոչինչ ճանաչելու և անվավերության հետևանքներ կիրառելու պահանջներով: Հայցադիմումը Գլխավոր դատախազության միջնորդության հիման վրա՝ Վարչական դատարանը 2025 թվականի ապրիլի 10-ին վերահասցեագրել էր Հակակոռուպցիոն դատարան»,- ասված է հաղորդագրությունում։
