14.07.2026 | 13:56
Հորմուզի նեղուցով անցնելիս նավը հրթիռային հարձակման է ենթարկվել
Խորթ մոր կողմից բռնության ենթարկված 1-ամյա երեխայի վիճակը մնում է ծայրահեղ ծանր
18.03.2026 | 12:05
Մարտի 16-ին Արաբկիր բժշկական կենտրոն տեղափոխված 1-ամյա երեխան մնում է վերակենդանացման բաժանմունքում։ Այս մասին Factor.am-ի հարցին ի պատասխան ասաց ԲԿ-ի մամուլի խոսնակ Տիգրանուհի Հարությունյանը։ Նրա տեղեկացմամբ՝ երեխայի վիճակը ծայրահեղ ծանր է։
«Բժիշկները պայքարում են երեխայի կյանքի համար»,- հավելեց Հարությունյանը։
Նշենք, որ 1 տարեկան երկու ամսական երեխան ԲԿ էր տեղափոխվել մարտի 16-ին «կլինիկական մահ» ախտորոշմամբ։ Ժամեր անց ՆԳՆ-ն հայտնել էր, որ Արարատի մարզում մեկ տարեկան երեխայի սպանության փորձի համար ձերբակալվել է մեկ անձ։
Գլխավոր դատախազությունից հայտնում են, որ 1-ամյա երեխայի նկատմամբ այս տարվա հունվարի 22-ից մինչև մարտի 10-ը պարբերաբար ֆիզիկական ներգործության հետևանքով պատճառված ուժեղ ցավի, ինչպես նաև մարտի 15-ին ուղղակի դիտավորությամբ ապօրինաբար կյանքից զրկելու դեպքերով հանրային քրեական հետապնդում է հարուցվել երեխայի հոր երկրորդ կնոջ նկատմամբ։
Արփի Հակոբյան
