02.07.2026 | 16:12
Նախագահ Վահագն Խաչատուրյանը մի շարք օրենքներ է ստորագրել
Ապրիլի 1-ից բոլոր կենսաթոշակառուները կստանան իրենց թոշակները բարձրացված չափերով․ ՏԵՍԱՆՅՈՒԹ
Հասարակություն
18.03.2026 | 11:55
Ապրիլի 1-ից բոլոր կենսաթոշակառուները կստանան իրենց կենսաթոշակներն արդեն բարձրացված չափերով։ Այս մասին ասուլիսի ժամանակ հայտնել է Միասնական սոցիալական ծառայության պետի տեղակալ Աննա Բեգլարյանը։
Նրա խոսքով՝ անկանխիկ վճարմանը սահուն անցնելու համար դեռևս հունվար ամսից բանակցություններ են իրականացվել և՛ գործընկեր բանկերի, և՛ Կենտրոնական բանկի, և՛ Բանկերի միության ներկայացուցիչների հետ։
«Բանկերի հետ կնքվել են համաձայնագրեր, որոնց շրջանակներում արդեն կիրականացվեն բանկային հաշվի պայմանագրերի կնքումը և անհրաժեշտության դեպքում՝ նաև քարտերի առաքման աշխատանքները շահառուների համար տանը։ Համագործակցող բանկերի անունները նշեմ, որոնց հետ կնքվել են համաձայնագրեր՝ ԱԿԲԱ բանկ, «Արարատբանկ», «Արցախբանկ», «Հայէկոնոմբանկ» և «Կոնվերս բանկն»»,- ասաց Բեգլարյանը։
Նա նշեց, որ շահառուներն անցած տարվանից սկսել էին ակտիվորեն փոխել իրենց վճարման եղանակը՝ ընտրելով իրենց համար հարմար բանկերը։ Համեմատության համար Բեգլարյանն ընդգծեց, որ հունվարին մոտ 48,000 կենսաթոշակառու ստանում էր կանխիկ, իսկ մարտի 5-ի դրությամբ այդ թիվը նվազել է մինչև շուրջ 9,200։
Մանրամասները՝ տեսանյութում։
