06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
83 շուն են որդեգրել նախորդ տարի, որոնցից մեկին՝ մենք․ Տիգրան Ավինյան․ ՏԵՍԱՆՅՈՒԹ
Հասարակություն
16.03.2026 | 11:25
Երևանի քաղաքապետարանի գործակարգավարական նիստին ներկայացվեց «Կենդանիների խնամքի կենտրոն» ՀՈԱԿ-ի 2025 թվականի աշխատանքների հաշվետվությունը։
Կենտրոնի տնօրեն Հարություն Առաքելյանի խոսքով՝ 2025 թվականի ընթացքում կենտրոնի կլինիկա է տեղափոխվել 4140 թափառող կենդանի։
«Նախնական հետազոտություններից և վտանգավոր վարակիչ հիվանդությունների կանխարգելիչ միջոցառումներից հետո 2703 թափառող շուն ստերջացվել և պատվաստվել է կատաղության դեմ, իսկ նախկինում ստերջացված 671 կենդանի վերապատվաստվել է»,- նշեց Առաքելյանը:
«Միաժամանակ, կենդանիների խնամքով զբաղվող անհատների և հասարակական կազմակերպությունների հետ համագործակցության արդյունքում 83 կենդանի հանձնվել է որդեգրման»,- ասաց Առաքելյանը:
Քաղաքապետ Տիգրան Ավինյանը, անդրադառնալով շների որդեգրման ցուցանիշին, նշեց, որ նախորդ տարի որդեգրված 83 շներից մեկին որդեգրել է իր ընտանիքը։
«Շատ գովելի է, որ նախորդ տարի 83 շուն է որդեգրվել, որոնցից մեկին մենք ենք որդեգրել։ Բայց, պարոն Առաքելյան, շատ եմ խնդրում՝ այլևս կնոջս շուն չտալ․ մեր տանն էլ տեղ չկա։ Երեքն են նրանք արդեն»,- կատակեց Տիգրան Ավինյանը:
Մամրամասները` տեսանյութում:
