17.08.2026 | 23:08
Զորականում և Ամասիայում շչակներ են փորձարկվելու
Հայտնաբերվել է առանձնապես խոշոր չափերի շուրջ 22 կգ թմրամիջոց․ ոստիկանների բացահայտումը
Հասարակություն
13.03.2026 | 21:02
Քրեական ոստիկանության ծառայողները բացահայտել են առանձնապես խոշոր չափերի թմրամիջոցի ապօրինի շրջանառության դեպք․ Սյունիքի մարզում հայտնաբերվել է Իրանից մաքսանենգ ճանապարհով Հայաստան տեղափոխված շուրջ 22 կգ թմրամիջոցով պարկ։ Ըստ նախնական տվյալների՝ այն Մեղրիի վարչական տարածքում պահել էր օտարերկրացի 41-ամյա տղամարդը՝ հետագայում Հայաստանի տարածքում իրացնելու նպատակով։
«Մարտի 13-ին Քրեական ոստիկանության թմրամիջոցների անօրինական շրջանառության դեմ պայքարի վարչության և Սյունիքի մարզային վարչության ծառայողները օպերատիվ տեղեկություններ ստացան մաքսանենգ ճանապարհով ներկրված ապօրինի թմրանյութի մասին։
Ըստ տեղեկությունների՝ օտարերկրացի 41-ամյա տղամարդն Իրանից Հայասատան էր տեղափոխել առանձնապես խոշոր չափերի՝ շուրջ 22 կգ թմրամիջոցով պարկ, որը պահել էր Մեղրի քաղաքի վարչական տարածքում և նախատեսում էր հետագայում իրացնել Հայաստանի տարածքում։
Ձեռնարկված միջոցառումների արդյունքում թմրանյութով պարկը հայտնաբերվեց։ Քրեական ոստիկանների կողմից իրականացվում է դեպքի վայրի պահպանություն։
Կազմված փաստաթղթերն ուղարկվել են Սյունիքի մարզային քննչական վարչություն»,- ասված է հաղորդագրությունում։
