Դատավորը մերժել է եկեղեցու ներկայացրած ինքնաբացարկի միջնորդությունը

Լուրեր

17.11.2026 | 10:36
Թափառող շների հարձակումների խնդիրը սրվել է, իսկ տուժածների վնասի փոխհատուցման հարցը չի լուծվում․ ՄԻՊ
17.11.2026 | 10:25
Ուկրաինան կրկին հարվածել է Ղրիմի կամրջին, փլուզվել է կամարներից մեկը. ՏԵՍԱՆՅՈՒԹ
17.11.2026 | 10:18
Ակցիա ՄԱԿ-ի շենքի դիմաց՝ արցախահայության վերադարձի իրավունքի վերաբերյալ. ՈՒՂԻՂ
17.11.2026 | 10:08
Երևանի ավագանու նիստը՝ ՈՒՂԻՂ
17.11.2026 | 10:06
Մեկնարկել է ATP-ի Ամփոփիչ մրցաշարը. ՏԵՍԱՆՅՈՒԹ
17.11.2026 | 10:00
ԱԺ քառօրյայի մեկնարկը՝ ՈՒՂԻՂ
17.11.2026 | 09:47
Արտարժույթների փոխարժեքները՝ նոյեմբերի 17-ի դրությամբ
17.11.2026 | 09:33
ՀՀ տարածքում ավտոճանապարհները հիմնականում անցանելի են
16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
Բոլորը

Արմավիրի մարզի առաջին ատյանի ընդհանուր իրավասության դատարանը մերժել է գործով Հայաստանյայց Առաքելական սուրբ եկեղեցու ներկայացուցիչ հանդիսացող, փաստաբան Արա Զոհրաբյանի՝ Գևորգ եպիսկոպոս Սարոյանի (Արման Սարոյան) գործով դատավորին հայտնած բացարկը։ Factor TV-ն «Դատալեքս» դատական տեղեկատվական համակարգից տեղեկանում է, որ միջնորդությունը ներկայացվել էր մարտի 6-ին։

Ըստ Զոհրաբյանի՝ գործը քննող դատավոր Էդգար Հովհաննիսյանը չի կարող քննել այն, քանի որ համատեղության կարգով նաև Բարձրագույն դատական խորհրդի անդամ հանդիսացող դատավորը իր գործողություններով փաստացի կատարել և կատարում է վարչապետ Նիկոլ Փաշինյանի ցանկությունը։

Փաշինյանը գործի առնչությամբ հունվարի 10-ին հետևյալ գրառումն էր կատարել․ «Ասել եմ արդեն, որ …. Ներսիսյանը Ամենայն Հայոց Կաթողիկոս չէ և, հետևաբար, այդ դիրքից նրա կայացրած որոշումները մեզ համար արժեք չունեն և առ ոչինչ են։ Տեր Գևորգ եպիսկոպոս Սարոյանը շարունակում է մնալ Հայաստանյայց Առաքելական Սուրբ Եկեղեցու Մասյացոտնի թեմի առաջնորդ»։

Փաստաբանն ընդգծում է՝ հունվարի 10-ին Սարոյանն ազատվել էր Մասյացոտնի թեմի առաջնորդի պաշտոնից։ Նշում է՝ հայցադիմումն օրենքի խախտմամբ ընդունել է վարույթ, Սարոյանի միջնորդությունը հայցի ապահովման վերաբերյալ օրենքի խախտմամբ բավարարել է, հայցի ապահովումը վերացնելու վերաբերյալ ակնհայտ անհիմն կերպով դատավորը մերժել է, հանդիսանալով ԲԴԽ անդամ, նպաստել է եկեղեցու ներկայացուցչի անվանական թիրախավորմանը։

Դատավոր Էդգար Հովհաննիսյանը բացարկը մերժելու վերաբերյալ իր որոշման մեջ անդրադարձ է կատարել բոլոր 4 կետերին, որոնք մատնանշել է Արա Զոհրաբյանը։

«․․․Փաստում եմ, որ դատական ակտերը կայացրել եմ ինքնուրույն, զերծ եմ մնացել իմ խոսքով կամ վարքագծով կողմնակալություն դրսևորելուց և ողջամիտ, անկողմնակալ դիտորդի մոտ նման տպավորություն ստեղծելուց, ինչպես նաև՝ այնպիսի գործողություններ ձեռնարկելուց, որոնք ողջամտության սահմաններում կարող են ստեղծել բացարկի հիմքեր:

Հետևաբար, գտնում եմ, որ չեմ խախտել դատավորի վարքագծի որևէ կանոն, իսկ պատասխանողի ներկայացուցչի վկայակոչած հանգամանքները՝ դատավորի կողմից ՀՀ վարչապետի ցանկությունը կատարելու, իր պատկերացումների և Բարձրագույն դատական խորհրդի կողմից իր հայտարարությանը հասցեական անդրադառնալու հետևանքով իր ու դատավորի փոխհարաբերություններում ժխտական վերաբերմունքի առկայության մասին, նրա սուբյեկտիվ ընկալման հետևանք են և դատավորի անաչառության մասին ողջամտորեն կասկած հարուցող, ինչպես նաև դատավորի կողմից իր հանդեպ կանխակալ վերաբերմունք ունենալու փաստը հավաստող տվյալներ չեն»,-որոշման մեջ նշել է դատավորը։

Գևորգ եպիսկոպոս Սարոյանի հայցադիմումը

Մասյացոտնի թեմի նախկին առաջնորդ Գևորգ եպիսկոպոս Սարոյանը քաղաքացիական հայց է ներկայացրել ընդդեմ Հայաստանյայց Առաքելական Սուրբ եկեղեցու։ Նա պահանջում է անվավեր ճանաչել Մասյացոտնի թեմի առաջնորդի պաշտոնից իրեն ազատելու մասին Գարեգին Բ Ամենայն Հայոց կաթողիկոսի կողմից հունվարի 10-ին արված հայրապետական տնօրինությունը և վերականգնել իրեն Մասյացոտնի թեմի առաջնորդի պաշտոնում։

Հայցադիմումը հունվարի 15-ին ընդունվել է վարույթ և մակագրվել Արմավիրի մարզի առաջին ատյանի ընդհանուր իրավասության դատարանի դատավոր Էդգար Հովհաննիսյանին։ Դատարանը հայցի ապահովման միջոց էր կիրառել և վերջինիս վերականգնել թեմի առաջնորդի պաշտոնում։ Չնայած դրան, հունվարի 27-ին Գարեգին Բ կաթողիկոսը կարգալույծ էր հռչակել Սարոյանին։

Նա Վեհափառ Հայրապետի հրաժարականը պահանջող 10 եպիսկոպոսների շարքում է:

Եվգենյա Համբարձումյան