30.09.2026 | 12:43
Ռազմական ոստիկանության պետը շրջայց է կատարել բանակային դիրքերում և զորամասերում․ ԼՈՒՍԱՆԿԱՐՆԵՐ
Աջափնյակում հնչած կրակոցների գործով ևս 2 անձի նկատմամբ հանրային քրեական հետապնդում է հարուցվել
Հասարակություն
12.03.2026 | 17:58
2026 թվականի փետրվարի 18-ին Աջափնյակում տեղի ունեցած դեպքի առթիվ նախաձեռնված քրեական վարույթի շրջանակում դատախազը 2026 թվականի մարտի 12-ին հանրային քրեական հետապնդում է հարուցել ևս 2 անձի՝ Քրեական օրենսգրքի 155-րդ հոդվածի 2-րդ մասի 7-րդ և 8-րդ կետերով (սպանություն), 44-155-րդ հոդվածի 2-րդ մասի 7-րդ և 8-րդ կետերեվ (7 դրվագ) (սպանության հանցափորձ), 297-րդ հոդվածի 3-րդ մասով (խուլիգանություն) և 335-րդ հոդվածի 1-ին մասով (հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառություն):
Այս մասին Factor TV-ի հարցին ի պատասխան հայտնում են Գլխավոր դատախազությունից:
Հիշեցնենք, որ փետրվարի 18-ին Աջափնյակի Աբելյան փողոցում կրակոցներ են հնչել, որի հետևանքով մեկ անձ մահացել է, 6 անձ՝ վիրավորվել։
Ավելի վաղ հայտնել ենք, որ հանրային քրեական հետապնդում է հարուցվել 17 անձի նկատմամբ:
Արաքս Մամուլյան
