24.08.2026 | 19:52
Թրամփը հայտարարել է, որ Իրանը «փլուզվում է»
ԲԴԽ-ն կրկին Դավիթ Հարությունյանի լիազորությունները դադարեցնելու որոշում կայացրեց․ ՏԵՍԱՆՅՈՒԹ
Հասարակություն
12.03.2026 | 12:07
Բարձրագույն դատական խորհուրդը քիչ առաջ հրապարակեց որոշում, որով կրկին դադարեցրեց Երևանի քրեական դատարանի դատավոր Դավիթ Հարությունյանի լիազորությունները: Դավիթ Հարությունյանը նիստին չէր ներկայացել։
Հիշեցնենք, որ Դավիթ Հարությունյանի վերաբերյալ կարգապահական վարույթը հարուցվել է լրատվամիջոցներին տված հարցազրույցի համար: 2023-ին ԲԴԽ-ն դատավորին հեռացրել է դահլիճից և դռնփակ նիստով, առանց նրա պաշտպանների ներկայության ավարտելով գործի քննությունը՝ որոշել դադարեցնել նրա լիազորությունները:
Այս որոշումից հետո Սահմանադրական դատարանը 2 անգամ արձանագրել է դատավորի իրավունքների խախտման փաստը, և ԲԴԽ-ն վերաբացելով գործը՝ դրա քննությունը սկսել է նորից: ԲԴԽ կազմում գործի քննությանն այժմ մասնակցած դատավորները, բացառությամբ մեկի, մասնակցել են նաև այն որոշումների կայացմանը, որոնցում ՍԴ-ն արձանագրել էր դատավորի իրավունքների խախտման փաստը:
Արաքս Մամուլյան
