17.08.2026 | 23:08
Զորականում և Ամասիայում շչակներ են փորձարկվելու
ՔՆՆԱՐԿՈՒՄ. 34 մահվան դեպք՝ 1 տարում. ինչո՞ւ Զինված ուժերում խնդիրները չեն լուծվում. ՏԵՍԱՆՅՈՒԹ
Քաղաքականություն
13.03.2026 | 20:00
2025-ին ՀՀ զինված ուժերում արձանագրվել է 34 զինծառայողի մահացության դեպք․ այս մասին վկայում են ՀՔԱՎ գրասենյակի տվյալները։ Զինծառայողների մահացության պատճառներն են` առողջական խնդիրներ (10 դեպք), ավտովթար (8 դեպք), ինքնասպանություն կամ ինքնասպանության հասցնելը (6 դեպք), դժբախտ պատահար (4 դեպք), սպանություն (3 դեպք), 3 զինծառայողի մահացության պատճառը դեռ հայտնի չէ։ 2024-ի համեմատ 2025-ին զինծառայողների մահացության դեպքերը նվազել են 15 %-ով։ Մինչ Պաշտպանության նախարար Պապիկյանը տարեսկզբին ասում էր, թե 3-րդ հանրապետության պատմության մեջ աննախադեպ է, որ մարդու կողմից մարդուն սպանելու դեպք չի եղել 2025-ին, այդ հայտարարությունից հետո՝ երկու ամսում բանակում խաղաղ պայմաններում մահվան երրորդ դեպքն էր գրանցվում։
Կառավարության 2025 թվականի կատարողականի զեկույցում մահերի այլ թիվ է նշված։ 2025-ին ոչ մարտական պայմաններում 30 զինծառայող է մահացել, որից 24-ը՝ ծառայության հետ չկապված պատճառներով, 6-ը՝ ԶՈՒ-ում տեղի ունեցած պատահարների հետևանքով: Կառավարության զեկույցում նաև ընդգծվում է, որ 2024-ի համեմատ 2025-ին դեպքերը նվազել են շուրջ 40 տոկոսով, ոչ կանոնադրային փոխհարաբերությունները՝ շուրջ 6 տոկոսով, իսկ ինքնավնասման դեպքերը՝ շուրջ 12 տոկոսով։
Այսօր խոսելու ենք բանակում մահվան մտահոգիչ դեպքերի մասին։ Ինչի՞ մասին են այս թվերը։
Factor TV-ի հրավիրած քննարկմանը մասնակցում են Հայարփի Սարգսյանը՝ փաստաբան, Դավիթ Գյուրջյանը՝ Իրավունքի զարգացման և պաշտպանության hիմնադրամի իրավական հարցերով փորձագետ, փաստաբան, Արթուր Սաքունցը՝ ՀՔԱՎ գրասենյակի ղեկավար, իրավապաշտպան, Անի Վարդանյանը՝ ԱՆ Փորձագիտական կենտրոնի Դատահոգեբանական փորձաքննությունների բաժնի պետ։
Հաղորդումն ամբողջությամբ՝ տեսանյութում։
Ռոբերտ Անանյան
