03.08.2026 | 18:52
Դավիթ Համբարյանը նշանակվել է ՀՀ ԱԺ աշխատակազմի ղեկավար-գլխավոր քարտուղար
Գագիկ Ծառուկյանն ընտրակաշառքի գործով արդարացվեց, Սեդրակ Առուստամյանը մեղավոր ճանաչվեց. ՏԵՍԱՆՅՈՒԹ
Քաղաքականություն
11.03.2026 | 19:09
ԲՀԿ առաջնորդ Գագիկ Ծառուկյանն արդարացվեց ընտրակաշառքի գործով։ Հակակոռուպցիոն դատարանի դատավոր Արամ Գրիգորյանը հրապարակեց վերդիկտը՝ անմեղ ճանաչելով ՀՀ քրեական օրենսգրքի 154.2-րդ հոդվածի 2-րդ մասով նախատեսված արարքի համար մեղադրվող Ծառուկյանին։
Այդ հոդվածը վերաբերում է թեկնածուներից որևէ մեկի օգտին կողմ կամ դեմ քվեարկելու, ընտրություններին մասնակցելու կամ ընտրություններին մասնակցելուց հրաժարվելու պայմանով թեկնածուներից անձամբ կամ միջնորդի միջոցով կաշառք ստանալուն։
Մինչդեռ, նույն հոդվածով մեղավոր ճանաչվեց գործով մյուս մեղադրյալը՝ Սեդրակ Առուստամյանը։
Դատարանը հայտարարեց, որ գործով դեռ շարունակվելու են լրացուցիչ դատալսումները։ Հաջորդ դատական նիստը նշանակվել է մարտի 25-ին՝ ժամը 11:30-ին։
Հիշեցնենք, որ քրեական վարույթը վերաբերում էր 2017 թվականի ապրիլի 2-ի ԱԺ ընտրություններին մասնակցած կուսակցությունների դաշինքի և դրա կողմից առաջադրված թեկնածուի օգտին քվեարկելու համար ընտրողներին ենթադրաբար կաշառք տալուն:
Արփի Հակոբյան
