30.09.2026 | 14:50
Հանրապետության շրջանների զգալի մասում սպասվում է անձրև և ամպրոպ, հնարավոր է նաև կարկուտ
11 միլիոնով սարք ենք ձեռք բերել, որ ծառերի վիճակը ստուգենք․ Արմեն Բեգոյան․ ՏԵՍԱՆՅՈՒԹ
Հասարակություն
11.03.2026 | 14:08
Երևանի քաղաքապետարանի «Կանաչապատում և շրջակա միջավայրի պահպանություն» ՀՈԱԿ-ի տնօրեն Արմեն Բեգոյանը լրագրողների հետ զրույցում պարզաբանեց, թե ինչպես է օգտագործվում 11 միլիոն դրամ արժողությամբ ռեզիստոգրաֆ սարքը, որը նախատեսված է ծառերի բնի վիճակը ստուգելու համար։
Factor TV-ի հարցին՝ արդյոք այդ սարքով ստուգվում են բոլոր ծառերը, Բեգոյանը պատասխանեց, որ այն կիրառվում է միայն այն դեպքերում, երբ ծառի ներսի վիճակը արտաքինից պարզ չէ։
«Այն ծառերը, որոնց դեպքում ակնհայտ է, որ բունը դատարկ է կամ վնասված, չենք ստուգում։ Սարքը կիրառվում է այն ծառերի վրա, որտեղ աչքով տեսանելի չէ, թե ներսում ինչ է կատարվում»,- ասաց Բեգոյանը։
ՀՈԱԿ-ի տնօրենի խոսքով՝ սարքի օգտագործումը սահմանափակ է նաև տեխնիկական պատճառներով, քանի որ այն աշխատում է հատուկ ձողերով, որոնք ունեն սահմանափակ օգտագործման ռեսուրս։
«Այդ ձողերը ունեն օգտագործման սահմանափակում՝ մոտ 100 ծակման հնարավորություն։ Եթե ընթացքում չկոտրվեն, կարող են օգտագործվել այդքան անգամ։ Դրանք բավականին թանկ են, դրա համար անիմաստ չենք օգտագործում սարքը այն դեպքերում, երբ ծառի վիճակը ակնհայտ է»,- նշեց նա։
Բեգոյանը տեղեկացրեց նաև, որ Ամիրյան փողոցում ստուգվել է 24 ծառ, իսկ Պարոնյան փողոցում՝ մոտ 14 ծառ։
Մանրամասները՝ տեսանյութում։
