13.05.2026 | 19:20
Թրամփը հայտարարել է՝ Իրանի միջուկային ծրագրի դադարեցումն ավելի կարևոր է ամերիկացիների ֆինանսական դժվարություններին
Էս հեղուկը պիտի բարձրանա սնուցի, որ սաղարթ ձևավորվի, բայց մեջը դատարկ է․ Բեգոյան. ՏԵՍԱՆՅՈՒԹ
Հասարակություն
11.03.2026 | 14:29
Երևանի քաղաքապետարանի Կանաչապատում և շրջակա միջավայրի պահպանություն ՀՈԱԿ-ի տնօրեն Արմեն Բեգոյանն այսօր լրագրողների հետ զրույցում ասաց, որ ծառի բնի ամրությունը ստուգում են վերջերս 11 միլիոն դրամով ձեռքբերված ռեզիստոգրաֆ կոչվող սարքով։
«Այս հեղուկը, որ տեսնում եք, ծառի սնուցող հեղուկն է։ Այն արմատից պետք է բարձրանա դեպի սաղարթ, բայց այստեղ ամբողջ ներսը դատարկ է, և ծառը չի կարողանում սնուցվել»,- ասաց Բեգոյանը, որ Պարոնյան փողոցում ասուլիս էր հրավիրել։
Նրա պնդմամբ՝ նման ծառերը հաճախ արտաքինից կարող են առողջ թվալ, սակայն ամբողջությամբ փտած են։
«Ծառի ներսը բառացիորեն գուբկայի նման է լինում։ Եթե ներսի փայտը ամուր լիներ, սարքը ցույց կտար ավելի բարձր ցուցանիշներ, բայց այստեղ տեսնում ենք, որ բնափայտը շատ թույլ է»,- ասաց նա։
Քաղաքապետարանի պաշտոնյան լրագրողներին նաև ցույց տվեց ծառի կեղևի տակ եղած վնասատուները՝ նշելով, որ նման ծառերը դառնում են վնասատուների տարածման աղբյուր։
Մանրամասները՝ տեսանյութում։
