07.09.2026 | 14:59
Պեսկովը հայտնել է Փաշինյան-Պուտին հանդիպման օրակարգը
ՆԳՆ-ում պաշտոնի թեկնածուները բարեվարքության վերաբերյալ հարցաթերթիկ կլրացնեն, ինչը կգնահատվի ԿԿՀ-ի կողմից․ նոր կարգ է ներդրվել
Հասարակություն
11.03.2026 | 09:59
ՆԳՆ-ից հայտնում են, որ գերատեսչության ներքին անվտանգության և հակակոռուպցիոն վարչությունում նշանակումներն արդեն իսկ կատարվում են բացառապես ԿԿՀ եզրակացության հիման վրա։ Նշվում է, ոչ ստացվել են առաջին դրական եզրակացությունները։
«Ներքին գործերի նախարարությունը շարունակաբար կատարելագործում է ներքին վերահսկողության և հակակոռուպցիոն գործիքակազմը։ ՆԳՆ Ներքին անվտանգության և հակակոռուպցիոն վարչությունում առաջին անգամ պաշտոնի նշանակվելու գործընթացում ներդրված նոր կարգով թեկնածուները բարեվարքության վերաբերյալ կլրացնեն հարցաթերթիկ, ինչը կգնահատվի Կոռուպցիայի կանխարգելման հանձնաժողովի կողմից։
Արդեն իսկ ներկայացված դիմումների հիման վրա համապատասխան հարցաթերթերը փոխանցվել են հանձնաժողովին և ստացվել են դրական եզրակացություններ։
Դրական արդյունքների հիման վրա ծառայողները կնշանակվեն համապատասխան պաշտոնների։
Փոփոխությունը կնպաստի Ներքին անվտանգության և հակակոռուպցիոն վարչության ծառայողների բարեվարք գործունեության ապահովմանը՝ հնարավորինս կանխելով բարեվարքության համակարգի տարրերին վերաբերելի խախտումները և բարձրացնելով ծառայության նկատմամբ վստահության մակարդակը»,- ասված է հաղորդագրությունում։
