14.09.2026 | 14:48
Անկարան հայտնել է, որ Թուրքիայից Հայաստան արտահանումը հունվար-օգոստոսին կազմել է 1 մլն 336 հազար դոլար
ԿԿՀ անդամի թափուր պաշտոնում առաջարկվել է Եփրեմ Կարապետյանի թեկնածությունը
Քաղաքականություն
10.03.2026 | 18:01
Կոռուպցիայի կանխարգելման հանձնաժողովի անդամի թափուր պաշտոնում Ազգային ժողովին է առաջարկվել Եփրեմ Կարապետյանի թեկնածությունը:
Կարապետյանը 2019-ից առ այսօր աշխատում է Արդարադատության նախարարությունում, 2024 թվականի սեպտեմբերից զբաղեցնում է հակակոռուպցիոն քաղաքականության մշակման և մոնիթորինգի վարչության պետի պաշտոնը։
Նրա թեկնածությունը խորհրդարանին է առաջարկել մրցութային խորհուրդը։
Նշենք՝ այս պահին հանձնաժողովում 2 թափուր տեղ կա։ Ազգային ժողովն անդամ ընտրելու բազմաթիվ փորձեր է արել։ Օրենսդիրը հավանություն չի տվել Վահե Մկրտչյանի, Նարինե Ավետիսյանի, Մարիաննա Բաղինյանի, Տաթևիկ Բարսեղյանի, ինչպես նաև հանձնաժողովի նախկին նախագահ Հայկուհի Հարությունյանի թեկնածություններին։
Եվգենյա Համբարձումյան
