30.09.2026 | 14:50
Հանրապետության շրջանների զգալի մասում սպասվում է անձրև և ամպրոպ, հնարավոր է նաև կարկուտ
«Կնոջ ներկայությունը յուրաքանչյուր ոլորտում ստեղծում է կայունություն, արդարություն, մարդասիրություն»․ Ծովինար Թադևոսյան
Հասարակություն
08.03.2026 | 10:47
Քրեակատարողական ծառայության պետ Ծովինար Թադևոսյանը շնորհավորական ուղերձ է հղել Կանանց միջազգային օրվա առթիվ։
«Սիրելի՛ կանայք և աղջիկներ, Սրտանց շնորհավորում եմ ձեզ Մարտի 8-ի՝ Կանանց միջազգային օրվա կապակցությամբ։ Այս օրը ևս մեկ առիթ է` արժևորելու կնոջ դերը հասարակության և պետության կայացման մեջ։ Կինը հոգատարության, նվիրվածության, իմաստության և ուժի խորհրդանիշ է։ Կնոջ ներկայությունը յուրաքանչյուր ոլորտում ստեղծում է կայունություն, արդարություն, մարդասիրություն և զարգացում։
Հատուկ շնորհավորանք և ջերմ խոսքեր եմ հղում Քրեակատարողական ծառայության կին աշխատակիցներին։ Ձեր պատասխանատու, երբեմն բարդ ու պահանջկոտ ծառայությունը մեծ նվիրում և ամուր կամք է պահանջում։ Դուք ամեն օր ձեր մասնագիտական հմտությամբ ու մարդկային վերաբերմունքով նպաստում եք համակարգի կայացմանն ու զարգացմանը։
Գարնան այս գեղեցիկ տոնի առթիվ ցանկանում եմ շնորհավորել նաև ազատազրկված կանանց։ Թող այս գարնանային օրը յուրաքանչյուրիդ կյանքում լինի նոր հույսի, հավատի և դրական փոփոխությունների մեկնակետ։
Սիրելի՛ կանայք, թող ձեր կյանքը լցված լինի սիրով, առողջությամբ, հաջողություններով և ներքին խաղաղությամբ։ Թող գարունը նոր ուժ ու նոր սկիզբ բերի ձեր կյանք»,-նշվում է ուղերձում։
