14.09.2026 | 17:49
Չեմ վիճարկում Ղարաբաղի՝ նախկինում հակամարտությունից տուժած շրջաններում հայկական հարուստ հետքը. Գրոնո
Արդյոք կկրկնվի 2021-ի սցենարը. IRI-ի հարցման արդյունքն ու ԿԸՀ-ի վերջնական թվերը
06.03.2026 | 19:25
2026 թվականի հունիսի 7-ին սպասվող խորհրդարանական ընտրություններին ընդառաջ հարցվածների ճնշող մեծամասնությունը պատրաստակամություն է հայտնել մասնակցել քվեարկությանը։ Ընդհանուր առմամբ՝ 84%-ը հակված է գնալ ընտրատեղամաս (68%-ի համար դա «շատ հավանական է», ևս 16%-ի համար՝ «ավելի շուտ հավանական»)։ Մասնակցությունը քիչ հավանական կամ բացառված է համարում հարցվածների միայն 15%-ը։ Այս տվյալներն ամփոփված են Միջազգային հանրապետական ինստիտուտի (IRI) հետազոտությունում։
Արդյոք վերջնարդյունքը մոտ կլինի հարցման թվերին, պարզ կլինի երեք ամիս անց։ Սակայն հնարավոր է որոշակի օրինաչափություններ դիտարկել, որոնք արձանագրվել են, օրինակ, 2021 թվականի նախընտրական շրջանում նույն IRI-ի հարցումների և ընտրությունների արդյունքների համատեքստում։
IRI-ի 2021 թ. մայիսի հետազոտության ընթացքում հարցվածների 78%-ը (միանշանակ այո՝ 64%, ավելի շուտ այո՝ 14%) հայտնել էր ընտրություններին մասնակցելու մտադրության մասին։ Այնինչ, պաշտոնական վերջնական տվյալներով 2021 թ. հունիսի 20-ի արտահերթ խորհրդարանական ընտրություններին մասնակցեց բնակչության 49,4 %-ը (1 281 174 քաղաքացի)։ Ստացվում է՝ հարցման ժամանակ մասնակցելու մտադրության մասին հայտնածների (78%) և իրական մասնակցության (49.4%) միջև շեղումը կազմել է 28.6%:
2021-ին հարցվածների 26%-ն էր ասել, որ կքվեարկի «Քաղաքացիական պայմանագիր» կուսակցության օգտին։ Բայց արդյունքում արտահերթ խորհրդարանական ընտրություններում ՔՊ-ն ստացավ կրկնակիից ավելի՝ 53.9% ձայն։
Ըստ IRI 2026 թվականի հետազոտության՝ հարցվածների 24%-ն է ասել, որ ընտրելու է ՔՊ-ին։
Անի Թամրազյան
