05.10.2026 | 14:40
ԱԺ-ն լիազորություններ չունի եկեղեցու ներքին հարցերը քննարկելու. Աննա Գրիգորյան․ ՏԵՍԱՆՅՈՒԹ
Հայտնի է Դուբայից վերադարձած քաղաքացիների թիվը
Հասարակություն
06.03.2026 | 12:25
Մարտի 4-5-ը «FlyDubai» ավիաընկերության կողմից իրականացված երկու թռիչքներով ՀՀ քաղաքացու անձնագրով ԱՄԷ-ից Հայաստան է վերադարձել է 197 անձ: Այս մասին հայտնել է ԱԳՆ մամուլի քարտուղար Անի Բադալյանը։
«Այսօր իրականացվող թռիչքով (օդում է) նախատեսվում է ՀՀ քաղաքացու անձնագրով ճամփորդող ևս 45 անձի վերադարձ»,- գրել է նա։
Ըստ «Զվարթնոց» միջազգային օդանավակայանի առցանց չվացուցակի՝ Flydubai ավիաընկերության՝ Դուբայ-Երևան չվերթը վայրէջք կկատարի ժամը 13:09-ին։ Երեկ «Զվարթնոց» միջազգային օդանավակայանում վայրէջք կատարեցին Flydubai և Emirates ավիաընկերությունների՝ Դուբայ-Երևան չվերթները։
Factor TV-ն տեղում զրուցել էր ժամանած ուղևորների հետ։ Մեզ հետ զրույցում ուղևորները հիմնականում նշում էին, որ պետք է Երևան հասնեին փետրվարի 28-ին, սակայն Իրանի օդային տարածքից ինքնաթիռը շրջվել և կրկին Դուբայի օդանավակայան է գնացել։ Արդեն մեկ շաբաթ է՝ Մերձավոր Արևելքի օդային տարածքն ամբողջությամբ կամ մասնակի փակ է, ավիաընկերությունները հիմնականում չարտերային չվերթներ են իրականացնում՝ օդանավակայաններում մնացած տարբեր երկրների քաղաքացիների տեղափոխությունն իրականացնելու համար։
